مەكسيكا بيلىگى اقش ەلشىلىگىنە نوتا جىبەردى

25-ءشى قاراشا كۇنى مەكسيكا مەن اقش شەكاراسىندا بوسقىندارمەن  قاقتىعىس ورىن الدى. اتالعان ايماقتا امەريكا اسكەرى كوزدى جاساۋراتقىش گاز پايدالانعان. وسى وقيعاعا بايلانىستى مەكسيكا بيلىگى ۆاشينگتونعا تەرگەۋ جۇمىستارىن جۇرگىزۋ تۋرالى نوتا جىبەرىپ وتىر.

قازىرگى تاڭدا مەكسيكانىڭ سىرتقى ىستەر دەپارتامەنتى اقش ەلشىلىگىنە تيحۋان جانە كاليفورنيا شەكاراسىندا بولعان وقيعا تۋرالى تولىقتاي تەكسەرۋ جۇرگىزۋ تۋرالى مالىمدەمە جاسادى. سونىمەن قاتار، مەكسيكانىڭ ادام قۇقىقتارىن قورعاپ، بوسقىنداردىڭ قاۋىپسىزدىگىن قامتاماسىز ەتەتىندىگىن دە ەسكەرتتى.

بۇۇ-نىڭ ستاتيستيكاسىنا سۇيەنسەك، قازىرگى تاڭدا  7 مىڭنان استام بوسقىن ورتالىق امەريكانى بەتكە الىپ تيحۋان ارقىلى كاليفورنياعا وتپەكشى. ونىڭ ىشىندە 2,3 مىڭنان استام جاس بالالار بار.  زورلىق، كەدەيلىك جانە جۇمىسسىزدىقتان قاشقان جاندار امەريكاعا قاراي باعىت العانىنا دا ءبىرشاما ۋاقىت بولعان.

ەستەرىڭىزگە سالا كەتەيىك، اقش پرەزيدەنتى دونالد ترامپ بۇدان بۇرىن مەكسيكا پوليتسياسى مەن اسكەرىن ميگرانتتارعا قارسى توتەپ بەرە الماۋدا دەپ ايىپتاعان بولاتىن. سونىمەن بىرگە، مەكسيكامەن شەكاراعا اسكەر جىبەرۋ تۋرالى پەنتاگونعا تاپسىرما بەرگەن.  وسىدان كەيىن، اقش پرەزيدەنتى مەكسيكا بيلىگىن ميگرانتتاردى ءوز ەلدەرىنە جىبەرۋ تۋرالى مالىمدەمە جاساعان. ونداي بولماسا اراداعى شەكارانى جابۋ تۋرالى دا ءوز ۇرەيىن Twitter ارقىلى ءبىلدىردى.

“The Qazaq Times”