استانا قالاسىنىڭ جول ءتارتىبىن باقىلايتىن قىزمەتكەرلەر وسىدان بىرنەشە كۇن بۇرىن ەلباسىعا تانىستىرعان جاڭا ۇلگىدەگى فورماعا كۇنگە قارسى كوزىلدىرىك قوسۋدى ۇسىندى. بۇل تۋرالى «ۆرەميا» حابارلادى.
قازىرگى تاڭدا ەلىمىزدىڭ پوليتسيا قىزمەتكەرلەرىنە مۇنداي اكسەسۋاردى پايدالانۋعا تىيىم سالىنعان. سەبەبى، قارا كوزىلدىرىك ساقشىنىڭ بەتىن جاسىرىپ تۇرادى. سوندىقتان تاۋلىك بويى جولدا جۇرەتىن ماماندار كۇننىڭ شاعىلىسۋىنان اينالانى باعامداۋ قيىن ەكەندىگىن جانە تاڭەرتەڭ مەن كەشقۇرىمدا ءتىپتى ناشارلايتىندىعىن مالىمدەگەن.
19 قاراشا كۇنى قر پرەزيدەنتى نۇرسۇلتان نازارباەۆقا تانىستىرىلعان فورمادا لاتىن قارىپىندە «POLITSIIA» دەپ جازىلعان. الايدا، بۇل سوڭعى ۇلگىسى ەمەس. سول سەبەپتى ءتارتىپ ساقشىلارى وزدەرىنىڭ مۇمكىندىكتەرىن ءمۇلت جىبەرمەۋدى ويلاستىرۋدا. بىراق ونىڭ جاۋابى قانداي بولاتىندىعى ازىرگە بەلگىسىز.
كوز دارىگەرلەرىنىڭ ايتۋى بويىنشا، كۇننەن قورعانىس اكسەسۋارى بولماعان جاعدايدا جاناردىڭ تورى مەن بۇرشاعى زاقىمدانۋعا الىپ كەلەدى. بۇل بولاشاقتا كورۋدى ناشارلاتىپ، سوقىرلىققا جەتكىزۋى دە بەك مۇمكىن. كۇندىز-ءتۇنى كوشەنى تورۋىلداپ، قاراقشىلىق ارەكەتتەردىڭ الدىن الۋ ءۇشىن ساقشىلارعا كوزدىڭ مىقتى بولۋى الدىڭعى ورىندا تۇرۋى ءتيىس. سوندىقتان دارىگەرلەر مۇنىڭ زيانىنان پايداسى كوپ دەيدى.
قازىرگى تاڭدا قارا كوزىلدىرىكتى پوليتسيا قىزمەتكەرلەرىن اقش، برازيليا سىندى ەلدەردىڭ كوشەلەرىن وڭاي كەزىكتىرەسىز. 2013 جىلى رەسەيدىڭ ىشكى ىستەر دەپارتامەنتى كاۆكازدىق ساقشىلار ءۇشىن ون مىڭ دانا كوزىلدىرىككە تاپسىرىس بەرگەن. مۇنىڭ ءوزى كورشىلەس ەلدىڭ دە بۇل باعىتقا بارا جاتقاندىعىن مەڭزەيدى.
اتالعان تاقىرىپ حالىقتىڭ ويىن ەكى جاققا ءبولىپ جىبەردى. ءبىرى، فورما كيگەن ساقشىعا كوزىلدىرىك جاراسىمدى دەسە، ەندى ءبىر جاعى قازاق پوليتسياسى وزدەرىن مىقتى سەزىنىپ، مۇرىندارىن ءشۇيىرىپ الۋى دا عاجاپ ەمەس دەيدى. سونىمەن بىرگە كوزىلدىرىكسىز كورمەي جۇرگەن دۇنيەلەر، ەندى مۇلدە تاسادا قالىپ قويادى دەپ شۋلاسقاندار دا جەتەرلىك.
نەگىزىنەن 2019 جىلى تىنىشتىقتى كۇزەتەتىن مەكەمەدە فورمادان بولەك بىرقاتار وزگەرىستەر بولاتىندىعى انىق. سەبەبى، جاڭا رەفورماعا بايلانىستى پوليتسيا قىزمەتكەرلەرىنىڭ 10 پايىزى قىسقارىپ، ورىنىندا قالعانداردىڭ ايلىق ەسەبى ارتاتىن بولادى. الايدا، جەمقورلىق جايلاعان مەكەمەلەردىڭ بىرىنە اينالعان ورىننان، جۇرتشىلىق ادىلەتتى وزگەرىس بولاتىندىعىنا كۇماندى.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى