كورەيا باسشىسىنىڭ اعاسىن ولتىرگەن ەكىنشى كۇدىكتى ايەل ۇستالدى

مالايزيا كورولدىك پوليتسيا باسقاراماسى بۇگىن (16 اقپان) تۇستەن بۇرىن حابارلاما جاريالاپ، مالايزيا پوليتسيا تاراۋى سولتۇستىك كورەيا باسشىسىنىڭ اعاسىنا قاستاندىق جاسادى دەلىنگەن ەكىنشى كۇدىكتى ايەلدى تۇتقىنداعانىن مالىمدەدى.

مالايزيا پوليتسيا تاراۋىنىڭ مالىمدەمەسى. فوتو: ChinaNews

مالايزيا پوليتسيا تاراۋىنىڭ مالىمدەمەسىندە، كۇدىكتىسىنەن يندونەزيا ساياحات-جول ءجۇرۋ قۇجاتى تابىلعان. قۇجاتتا كورسەتىلگەندەي كۇدىكتىنىڭ اتى-ءجونى سيتي ايشا، 1992 جىلى اقپاندا تۋىلعان. پوليتسەيلەر كۇدىكتىنى تۇتقىنداۋ كەزىندە ونىڭ جالعىز بولعانىن ايتادى. اۋەجايداعى بەينە باقىلاۋعا تۇسكەن سۋرەتپەن سالىستىرۋ بارىسىندا كۇدىكتىنىڭ اۋەجايدا بولعان ادام ەكەنى تۇراقتانعان. مالايزيا پوليتسياسى تەرگەۋدى جالعاستىرۋ ۇستىندە.

قىلمىس كۇماندىسى. فوتو: Sina.Net

قىلمىس كۇماندىسىنىڭ تەرگەۋ ناتيجەسى قاشان شىعاتىنى ءالى بەلگىسىز. الايدا بۇنىڭ سوڭى ۇلكەن ساياسي ويىندارعا جۇمسالىپ كەتۋى بەك مۇمكىن. ازىرگە قىلمىس كۇماندىسىنىڭ قىلمىس جاساۋ ماقساتى دا تۇراقتانباعان.

اۋد: ادىلەت احمەتۇلى

“The Qazaq Times”