Photo: sputniknews.kz

ەنەرگەتيكا ءمينيسترى قانات بوزىمباەۆ ۆيتسە-ءمينيستردىڭ لاۋازىمىنان شەتتەتىلۋى تۋرالى ءوز پىكىرىن ءبىلدىردى. ونىڭ ايتۋىنشا، شكارۋپا بۇگىنگە دەيىن جىلى ورىنىنان زاڭدى تۇردە كەتپەگەن.

«بۇل سۇراق توڭىرەگىندە پرەزيدەنت اكىمشىلىگىنىڭ كانتسەليارياسىندا ۇزاق ۋاقت كەلىسسوزدەر ءجۇرىپ جاتقاندىعى بەلگىلى. الايدا، شكارۋپا ارىز جازعان جوق،  وسىعان بايلانىستى مەن ءوتىنىش حاتتى وتكەن اپتادا ۇكىمەت مينيسترلىگىنە جانە پرەزيدەنت اكىمشىلىگىنە جولداعانمىن»، - دەدى ەنەرگەتيكا ءمينيسترى.

سول سەكىلدى، شكارۋپانىڭ قازىرگى تاڭدا ۇستالعاندىعى تۋرالى قويىلعان سۇراققا بوزىمباەۆ ماقۇلداعان جاۋاپ قاتتى.

ەستەرىڭىزگە سالا كەتەيىك، قازاقستاننىڭ باس پروكۋرورى قايرات قوجامجاروۆ ەنەرگەتيكا ۆيتسە-ءمينيسترىن قارجى جىمقىردى دەپ ايىپتاعان بولاتىن.  اناتولي شكارۋپا 2015 جىلى قاراعاندى وبلىسىنا قاراستى ساران قالاسىنىڭ اكىمى بولعان كەزدە ورتالىق جىلىتۋ جۇيەسىنە بولىنگەن 215 ميلليون تەڭگەنى قولدى ەتكەن. بۇگىنگە دەيىن ساران ايماعىندا اتالعان جىلىتۋ جۇيەسى مۇلدە ىسكە قوسىلماعان. بۇل تۋرالى قوجامجاروۆ اقوردادا وتكەن قاۋىپسىزدىك كەڭەسىندە مالىمدەدى.

2015-2017 جىلدارى ساران قالاسىنىڭ اكىمى بولعان شكارۋپا 2017 جىلدىڭ مامىر ايىنان باستاپ 2018 جىلعا دەيىن قاراعاندى وبلىسى اكىمىنىڭ ورىنباسارى قىزمەتىنە تاعايىندالعان. ال، 2018 جىلدىڭ قازان ايىندا ەنەرگەتيكا ۆيتسە-ءمينيسترى بولىپ سايلاندى.

"The Qazaq Times"