فوتو: ربك

اقش قىتايمەن ساۋدا كەلىسىمىن جاساسپاق.

«Bloomberg» باسىلىمىنىڭ مالىمەتىنشە، اقش پرەزيدەنتى دونالد ترامپ ارگەنتينادا وتەتىن G20 سامميتىندە قىتاي باسشىسى شي جيڭپيڭمەن ساۋدا كەلىسىمىن جاساسپاق. قازىرگى ۋاقىتتا اق ءۇي اكىمشىلىگى ترامپتىڭ تاپسىرماسى بويىنشا، جاڭا ساۋدا كەلىسىمىنىڭ جوباسىن جاساۋعا كىرىسكەن.

اقش پەن قىتايدىڭ جاڭا ساۋدا كەلىسىمىن جاساۋىنا دونالد ترامپ پەن شي ءجيڭپيڭنىڭ 1 قاراشا كۇنى تەلەفون ارقىلى تىلدەسۋى سەبەپ بولعان. اتالمىش تىلدەسۋدەن كەيىن ترامپ ءوزىنىڭ «Twitter» پاراقشاسىنا «تىلدەسۋ ۇزاق ءارى جاقسى بولدى. ساۋدا كەلىسىمىنە قاتىستى كەلىسسوزدەر الدىعا قاراي جىلجۋدا» دەپ جازعان.

دونالد ترامپ پەن شي ءجيڭپيڭنىڭ كەزدەسۋى 30 قاراشا مەن 1 جەلتوقسان كۇندەرى ارالىعاندا وتەتىن G20 ءسامميتى اياسىندا بولادى دەپ كۇتىلۋدە.

جىل باسىنان بەرى اقش پەن قىتاي اراسىندا ساۋدا سوعىسى جۇرۋدە. رەسمي ۋاشينگتون اقش-قا كەلەتىن قىتاي تاۋارلارىنا سالىناتىن سالىق كولەمىن بىرنەشە رەت وسىرگەن. ۋاشينگتوننىڭ بۇل ارەكەتىنە رەسمي بەيجىڭ جاۋاپ رەتىندە قىتايعا اقش-تان كەلەتىن تاۋارلارعا سالىق باعاسىن كوتەرگەن. بىراق سوڭعى سالىق باعاسىن كوتەرۋدە اقش پرەزيدەنتى دونالد ترامپ:«ەگەر رەسمي بەيجىڭ اقش-قا تاعىدا جاۋاپ قايتاراتىن بولسا، وندا ءبىز قىتايدان كەلەتىن بارلىق تاۋارلارعا سالىق كولەمىن ارتتىرامىز» دەپ مالىمدەگەن.

اقش پەن قىتاي اراسىنداعى ساۋدا داۋى دونالد ترماپتىڭ قىتاي كومپانيالارىن زياتكەرلىك مەنشىكتەردى ۇرلادى دەگەن مالىمدەمەسىنەن كەيىن باستالعان. اقش پرەزيدەنتى وعان دەيىن رەسمي بەيجىڭگە بىرنەشە رەت ەكى ەل اراسىنداعى ساۋدا دەفيتسيتىن تومەندەتۋدى سۇراعان. بىراق قىتاي تاراپى ونىڭ بۇل مالىمدەمەسىنە قۇلاق اسپاعان.

"The Qazaq Times"