وڭتۇستىك كورەيا، سەۋل. فوتو: slide.news.sina

11 اقپان، وڭتۇستىك كورەيا استاناسى سەۋلدە، پاك كىن حەنىڭ جاقتاۋشىلارى الاڭدا اقش تۋىن كوتەرىپ ەرەۋىلگە شىعىپ، پرەزيدەنتتى كەمسىتۋ ىسىنە نارازىلىق ءبىلدىردى.  Sina.Net اقپاراتتىق قىزمەتىنىڭ رەسمي سايتى حابارلايدى.

فوتو: slide.news.sina.

سەۋل الاڭىنا ەرەۋىلگە شىققان پاك كىن حەنىڭ سەنىمدى قولداۋشىلارىنىڭ باسىم كوبى، ونىڭ اكەسى پاك چون حيدىڭ زامانداستارى ەكەنى بايقالادى.

فوتو: slide.news.sina.

ەستەرىڭىزدە بولسا، وڭتۇستىك كورەيا پرەزيدەنتى پاك كىن حە حانىم تۋرالى جانجال، وتكەن جىلدىڭ قازان ايىنان بەرى تۋىلىپ كەلەدى. اۋەلدە ونىڭ تاقتان كەتۋىن تالاپ ەتكەن ەرەۋىلشىلەر سەۋل الاڭىن بوساتپاپ ەدى.

فوتو: slide.news.sina.

پرەزيدەنت وتستاۆكاسىن وتىنگەن ەرەۋىلشىلەر تالابىمەن پرەزيدەنتتىڭ وكىلەتتىلىگى  كونستيتۋتسيالىق سوتتىڭ شەشىمىنە جىبەرىلگەن. الايدا كونستيتۋتسيالىق سوت شەشىمى پاك حانىمدى قولداۋشىلار جاعىنان نارازىلىققا ۇلاستى. ولار سوت شەشىمىنە قارسى ەرەۋىل جاساپ كەلەدى.

فوتو: slide.news.sina.

بۇل جولى ولار سەۋل الاڭىنا اقش تۋىن كوتەرە كەلىپ، پرەزيدەنتتەرىن قورلاۋعا جول بەرمەيتىندىگىن دالەلدەدى. قولداۋشىلاردىڭ باسىم كوبى پاك كىن حەنىڭ اكەسى پاك چون حيدىڭ زامانداستارى.

فوتو: slide.news.sina.

“The Qazaq Times”