«تاليبان» قوزعالىسىنىڭ قىتايدى كومەككە شاقىرىپ جاتقانى راس پا؟

«تاليبان» تەررورلىق قوزعالىسىنىڭ نەگىزىن سالۋشىلاردىڭ ءبىرى ءماۋلانا سامي ۋل-حاق اۋعانستانداعى سوعىستى اياقتاۋ ءۇشىن قىتايدى كەلىسسوزدەرگە قاتىسۋعا شاقىردى، - دەپ حابارلايدى Bloomberg.

ۋل-حاق: "بەيجىڭنىڭ 17 جىلدان بەرى جالعاسىپ كەلە جاتقان قاقتىعىستى رەتتەۋگە قاتىسۋى قۋانتارلىق جاعداي بولار ەدى", - دەگەن. ونىڭ سوزىنشە،  قىتاي «مۇنداي ماڭىزدى ءىستى تەك اقش-قا قالدىرماۋى» ءتيىس.

نەگىزى، وسىعان دەيىن قىتاي بيلىگىنىڭ اۋعانستاننىڭ شىڭجاڭ-ۇيعىر اۆتونوميالىق اۋدانىمەن شەكارالاس ايماعىنداعى جاعدايعا بايلانىستى بىرقاتار جۇمىستاردى قولعا العانى حابارلانعان ەدى. ماسەلەن، تامىز ايىندا بەيجىڭ بيلىگىنىڭ اۋعانستاننىڭ سولتۇستىك-شىعىسىنداعى باداحشان قالاسىندا اسكەري-جاتتىعۋ بازاسىنىڭ قۇرىلىسىن باستاعانى تۋرالى اقپارات تا تارادى. ايتسە دە،  تالىبتەرگە تيەسىلى اقپارات كوزدەرىنىڭ ءوزى وسى حاباردى جارىسا تاراتقانمەن، قىتاي ءسىم بۇعان قاتىستى ناقتى مالىمەت بەرۋدەن باس تارتقان ەدى. ورتالىق ازيا ەلدەرى اراقاتىناسىن زەرتتەۋشى ساياسي شولۋشىلاردىڭ ايتۋىنشا، بۇعان دەيىن اۋعانستان تەرريتورياسىندا بىردە-ءبىر اسكەري بازاسى بولماعان  قىتايدىڭ بۇل ارەكەتى راس بولسا، بەيجىڭ بيلىگى اۋعانستانداعى تەررورلىق لاگەرلەردە جاتتىعۋدان وتكەن تەررورشىلاردىڭ الدىن الۋعا تىرىسۋدا.

ءماۋلانا سامي ۋل-حاق — پاكىستاندىق يسلام قايراتكەرى رەتىندە تانىلعان. ول تالىبتەرمەن تىعىز بايلانىس ورناتقان ءارى «تاليبان» قوزعالىسىنىڭ قازىرگى ۋاقىتتاعى ليدەرى حايباتۋللا احۋندزادانىڭ شاكىرتى بولىپ تابىلادى.

“The Qazaq Times”