اۋعانستاننىڭ باتىسىندا پوليتسيا كۇشتەرى تالىبتەرگە ۇلكەن وڭىرلەردى بەردى

اۋعانستاننىڭ جەرگىلىكتى پوليتسيا كۇشتەرى وسى ەلدىڭ باتىسىنداعى گەرات ۋالاياتىنداعى ۇلكەن وڭىرلەردى ەشبىر قاقتىعىسسىز تاليبان توبىنا بەردى،- دەپ حابارلايدى «parstoday.com» اقپارات اگەنتتىگى.

اقپارات اگەنتتىگىنىڭ حابارلاۋىنشا، گەراتتاعى اقپارات كوزدەرى وسى ۋالاياتتىڭ فارسي اۋدانىندا جەرگىلىكتى پوليتسيا كۇشتەرىنىڭ شەكارا بەكەتتەرىنەن كەرى شەگىنگەنىن، سونىڭ سالدارىنان وسى اۋداننىڭ 24 اۋىلىنىڭ تاليباننىڭ قول استىنا وتكەنىن حابارلادى.

تاليباننىڭ اقپارات وكىلى كەرى شەگىنىس بارىسىندا 16 پوليتسيا قىزمەتكەرىنىڭ تۇتقىنعا الىنعانىن ايتتى. كەشە اۋعاندىق بىرنەشە اقپارات قۇرالى اۋعانستان قاۋىپسىزدىك كۇشتەرىنىڭ لۋگار ءۋالاياتىندا كەرى شەگىنىپ، وسى اۋدانداعى بىرقاتار قاۋىپسىزدىك شەكارا بەكەتتەرىنىڭ تاليبان توبىنا تاپسىرىلعانىن حابارلادى. الايدا اۋعانستاننىڭ قاۋىپسىزدىك باسشىلارى بۇل حاباردى راستامادى.

اۋعانستان قاۋىپسىزدىك كۇشتەرىنىڭ شالعاي اۋدانداردان كەرى شەگىنۋى بۇل ەلدە بۇكىلحالىقتىق سايلاۋ وتكىزۋ ۇدەرىسىن قيىندىققا ۇشىراتۋى مۇمكىن، ويتكەنى قاۋىپسىزدىك كۇشتەرى الىس اۋداندارداعى سايلاۋ ۋچاسكەلەرىنىڭ قاۋىپسىزدىگىن قامتاماسىز ەتۋگە جاۋاپتى بولاتىن.

“The Qazaq Times”