«تاليبان» وكىلدەرى مەن اۋعانستان بيلىگى كەزدەستى

«تاليبان» راديكالدى قوزعالىسىنىڭ وكىلدەرى مەن اۋعانستان ۇكىمەتىنىڭ دەلەگاتسياسى ساۋد ارابياسىندا كەلىسسوزدەر جۇرگىزىپ، الدا وتەتىن (20 قازان) پارلامەنت سايلاۋى الدىندا قاۋىپسىزدىك ماسەلەلەرىن تالقىلادى. بۇل تۋرالى Reuters اگەنتتىگى حابارلايدى. اقپارات كوزىنىڭ مالىمەتىنشە، كەزدەسۋ وسى اپتادا وتكەن.

«ولار بىزدەن بەيبىت سايلاۋ وتكىزۋلەرىنە كومەكتەسۋگە شاقىردى. اۋعانستان دەلەگاتسياسى قاماۋعا الىنعانداردى بوساتۋعا قاتىستى كەلىسىمگە كەلدى»، - دەگەن تاليبان وكىلدەرىنىڭ ءبىرى ءتىپتى ولاردىڭ كەيبىرىنىڭ بوستاندىققا شىعارىلعانىن دا حابارلاعان. اتى-ءجونىن جاسىرعان تالىبتەردىڭ ءبىرى ساۋد ارابياسىنداعى كەزدەسۋدىڭ اقش-تىڭ قاقتىعىستى ءۇش ايعا قىسقارتۋ تۋرالى تالابىنىڭ كەسىرىنەن امەريكالىق شەنەۋنىكتەرمەن كەزەكتى كەلىسسوزدەر جۇرگىزۋ جوسپارى بۇزىلعاننان كەيىن  وتكىزىلگەنىن ايتقان. «ءبىزدىڭ جەتەكشىلەرىمىزدىڭ كەيبىرى اۋعانستان ۇكىمەتىمەن كەلىسسوزدەر جۇرگىزۋ تۋرالى باستاماسىن قولدامادى. الايدا، امەريكالىقتارمەن وتەدى دەپ كۇتىلگەن كەزدەسۋىمىز بەلگىلى ءبىر سەبەپتەرگە بايلانىستى وتكىزىلمەدى»، - دەگەن ول.

“The Qazaq Times”