فوتو: worldbulletin.net

يزرايل پرەمەر-ءمينيسترى بينيامين نەتانياحۋدىڭ بۇۇ با-نىڭ 73-سەسسياسىندا يراننىڭ جاسىرىن اتوم قويماسى بار ەكەندىگىنە قاتىستى جاساعان مالىمدەمەسى حالىقارالىق داۋعا اينالۋدا. بۇل تۋرالى فرانتسيالىق 20minutes.fr حابارلايدى.

ەندى، اقش پرەزيدەنتى دونالد ترامپ اەحا-نى (اتوم ەنەرگياسى جونىندەگى حالىقارالىق اگەنتتىك) نەتانياحۋدىڭ وسى مالىمدەمەسىنە قاتىستى جەدەل تەكسەرىس جاساۋعا شاقىرۋدا.

«ورتاق قاۋىپسىزدىگىمىز ءۇشىن يراننىڭ اتوم نىساندارى بار ما، جوق پا تەكسەرۋ كەرەك»، - دەلىنگەن اقش مەملەكەتتىك دەپارتامەنتىنىڭ مالىمدەمەسىندە. ەسكە سالايىق، وسىعان دەيىن پرەمەر-مينيستر نەتانياحۋ ءيزرايلدىڭ قولىندا يراننىڭ جاسىرىن قويماسىن اشكەرەلەۋ ءۇشىن جەتكىلىكتى اقپاراتتىڭ بار ەكەنىن ايتقانىن جازعان ەدىك. تەھران باسشىلىعى دا ءوز كەزەگىندە ءيزرايلدىڭ يادرولىق قارۋ-جاراق باعدارلاماسىن مويىنداۋعا شاقىرعان بولاتىن. ەندى، ەگەر احەا وسى ماسەلەگە قاتىستى تەكسەرىستى باستاعان جاعدايدا، نەتانياحۋ يراندى اشكەرە ەتۋگە جەتكىلىكتى ەكەنىن ايتقان اقپاراتتاردى حالىقارالىق اگەنتتىككە بەرۋگە مىندەتتەلمەك.

“The Qazaq Times”