رۋحاني: اقش-تىڭ يادرولىق كەلىسىمشارتان شىعۋى — ۋاقىتشا عانا قۇبىلىس

ەرتە مە، كەش پە اقش يراننىڭ يادرولىق كەلىسىمشارتىنا قايتا ورالادى. بۇل تۋرالى يران يسلام رەسپۋبليكاسىنىڭ پرەزيدەنتى حاسان ءرۋحانيدىڭ سوزىنە سىلتەمە جاساپ «The Times of Israel» حابارلايدى.

«ەرتە مە، كەش پە، ءبىر كۇنى بىرىككەن شتاتتار قايتا ورالادى. بۇلاي جالعاسا بەرۋى مۇمكىن ەمەس» ، -دەگەن يران پرەزيدەنتى. ونىڭ سوزىنشە، وقشاۋلانىپ قالعان يران ەمەس، امەريكا. يران ءوز مۇددەسىن جوعالتپاي، يادرولىق كەلىسىمشارتتىڭ شارتتارىن ورىنداۋدى جالعاستىرۋدا.

25 قىركۇيەكتە وتكەن بۇۇ-نىڭ 73- باس اسسامبلەياسىندا اقش پرەزيدەنتى دونالد ترامپ تەھران بيلىگىن الەمدىك تەرروريزمنىڭ باستى قولداۋشىسى دەپ اتاپ، يران بيلىگىن سىنعا العان ەدى. ال، رۋحاني ءوز كەزەگىندە يراننىڭ اقش تاراپىنان «ەشقانداي سوعىستى، بىردە-ءبىر سانكتسيانى، ەشقانداي دا قىسىمدى» قابىلدامايتىنىن ايتىپ، تەز ارادا ديالوگ باستاۋدى ۇسىندى.

“The Qazaq Times”