2017 جىلعى 11 اقپاندا استانا قالاسىنداعى نازارباەۆ ۋنيۆەرسيتەتىنىڭ كونفەرەنتس-زالىندا «ادەبيەت پورتالى» ينتەرنەت-جوباسى جاڭا ديزاينىنىڭ تانىستىرىلىمى ءوتتى.

شاراعا قر اقپارات جانە كوممۋنيكاتسيالار ءمينيسترى داۋرەن اباەۆ، əدەبيەت مايتالماندارى مىرزاتاي جولداسبەكوۆ، تولەن Əبدىك، جولتاي ءالماشۇلى، الدان سمايىل، قارجاۋباي سارتقوجاۇلى جانە باسقا دا قالامگەرلەر قاتىستى.  ادەبيەت پورتالى" جاڭا نۇسقاسىنىڭ تانىستىرىلىمىندا قر مەملەكەتتىك سىيلىعىنىڭ يەگەرى، جازۋشى تولەن ابدىك ءوزىنىڭ الاش تۋرالى جازعان ولەڭىن وقىپ بەردى. سونداي-اق، جيىنعا قاتىسقان اقپارات جانە كوممۋنيكاتسيالار ءمينيسترى داۋرەن اباەۆ ولەڭ وقىپ، ءوزىنىڭ ادەبيەتكە دەگەن ىقىلاسىن تانىتتى.

شارا بارىسىندا ادەبيەت پورتالىندا جاسالعان جاڭعىرتۋ جۇمىستارى، ينتەرنەت-رەسۋرستىڭ جاڭا نۇسقاسى تانىستىرىلدى.

قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنە قاراستى «قازكونتەنت» اق «ادەبيەت پورتالى» – زاماناۋي اقپاراتتىق تەحنولوگيالار جەتىستىگىن پايدالانا وتىرىپ، قازاق ادەبيەتىن ناسيحاتتاۋ، وقىرماندار مەن قالامگەرلەر اراسىنداعى ادەبي بايلانىستى جانداندىرۋ، كونتەنتتىك قولداۋ كورسەتۋ، ءتۇرلى شىعارماشىلىق ءىس-شارالاردى ۇيىمداستىرۋ ميسسياسىن جۇزەگە اسىرىپ وتىرعان، ورتا ازيا كەڭىستىگىندەگى تۇڭعىش عالامتورلىق بىرەگەي ادەبي جوبا.

پورتال وتاندىق رۋحاني ونىمدەردىڭ ساندىق فورماتتاعى بازاسىن قۇرۋ، قازاق، ورىس جانە وزگە تىلدە جازاتىن قازاقستاندىق قالامگەرلەردىڭ شىعارماشىلىعىن ناسيحاتاۋ، جالپى ادەبي ۇدەرىستى جانداندىرۋ ارقىلى قوعامدا بيىك تالعامنىڭ، مەملەكەتشىلدىك وي-سانانىڭ قالىپتاسۋىنا يگى ىقپال جاساۋدى كوزدەيدى.

اقىن باۋىرجان قاراعىزۇلى جەتەكشىلىك ەتەتىن ادەبيەت پورتالىنىڭ ۇجىمى

“The Qazaq Times”