يراننىڭ تۇكپىر-تۇكپىرىندە وتكەن بيىلعى 22 باھمان شەرۋىنە قاتىسۋشىلار مالىمدەمە جاريالاپ، اقش-تى يراننىڭ ءبىرىنشى دۇشپانى دەپ اتادى. بۇل تۋرالى ParsToday حابارلادى.
يران حالقى جۇما كۇنى 22 باھمان شەرۋىنىڭ قورىتىندى مالىمدەمەسىن جاريالاپ: «يران حالقى اقش-تىڭ «ورتاق قادام» جان-جاقتى باعدارلاماسىنىڭ باپتارىن بۇزىپ، ۋادەدە تۇرماۋىنا قاتىستى اشۋ-ىزا مەن نارازىلىقتارىن ءبىلدىرىپ، اق ءۇيدىڭ جاڭا سانكتسيالار سالۋ، يسلامنان ۇركىتۋ جانە ايماقتاعى وداقتاستارىمەن بىرگە يراننان قورقىتۋ ءۇشىن جاساپ جاتقان تالپىنىستارىن ايىپتاپ، يراننىڭ جاۋاپتى تۇلعالارىنان كەسىمدى پوزيتسيا ۇستانىپ، اسەرلى الدىن الۋ تاسىلدەرىن پايدالانىپ، قارىمتا جاۋاپ بەرۋدى كۇن تارتىبىنە قويۋدى سۇرادى.
يران حالقى ايماقتاعى يسلامدىق قارسىلاسۋ اعىمىن قولداپ، ساۋد اۋلەتى مەن حاليفە اۋلەتىنىڭ اقش، ۇلىبريتانيا، سيونيستىك رەجيم مەن ولاردىڭ ايماقتاعى وداقتاستارىنىڭ قولداۋىمەن يەمەن مەن باحرەيندە جاساعان قىلمىستارىن ايىپتاپ، يسلام الەمىندە قاتىگەزدىك، ەكسترەميزم، جەككورۋشىلىكتى تاراتۋ جانە تەرروريزمنىڭ تارالۋىنا وزدەرىنىڭ جيىركەنىشتەرى مەن قارسىلىقتارىن جاريالادى.
يران حالقى پالەستينانى بۇرىنعىداي يسلام الەمىنىڭ ەڭ وزەكتى تاقىرىبى، ال قارسىلاسۋدى پالەستينانىڭ جاپا شەككەن حالقىنىڭ ءوز قۇقىقتارىنا قول جەتكىزۋىنىڭ جالعىز جولى دەپ اتاپ، يسلام الەمىنىڭ بارلىق الەۋەتتەرىن پالەستينانىڭ زورلىق-زومبىلىق كورگەن حالقى مەن پالەستينالىق كۇرەسكەر توپتارعا ءوز جەرىن سيونيستىك رەجيمنىڭ باسقىنشىلىعىنان ازات ەتۋ جولىندا كومەكتەسۋ ءۇشىن پايدالانۋدى تالاپ ەتتى»،-دەپ قۋاتتادى.
«The Qazaq Times»
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى