فوتو: اف

كحدر مەن وڭتۇستىك كورەيا باسشىلارىنىڭ ءسامميتى اقش تا قاتىساتىن ءۇش جاقتى كەلىسسوزدەرگە جول اشادى. بۇل تۋرالى كورەيا رەسپۋبليكاسىنىڭ كحدر جونىندەگى ارنايى وكىلى لي دۋ حۋن مالىمدەدى، - دەپ حابارلايدى liberation.fr.

«سامميتتە قول جەتكىزىلگەن كەلىسىمشارتتار ءۇش جاقتى ديالوگقا (پحۋنيان، سەۋل، ۋاشينگتون) جول اشادى»، - دەگەن دۋ حۋن، وسىنىڭ كورسەتكىشى رەتىندە سەۋل مەن ۋاشينگتوننىڭ ەكىجاقتى كەڭەس الماسۋ كەزدەسۋلەرىن اتاۋعا بولاتىنىن ايتتى. وعان الداعى اپتادا بولاتىن وڭتۇستىك كورەيا مەن اقش پرەزيدەنتتەرىنىڭ كەزدەسۋىن مىسالعا كەلتىردى. سامميت قورىتىندىسى بويىنشا يادرولىق قارۋدان باس تارتۋعا شەشىم شىعارىلىپ، ەندى بارلىق تاراپتار وسى باعىت بويىنشا ناقتى قادام جاساۋلارى كەرەك. ەسكە سالايىق، بۇدان بۇرىن اقش بارلاۋ ۇيىمى يادرولىق قارۋدان بوساتۋعا جاسالعان قادامدارعا قاراماستان، كحدر يادرولىق قارۋ جاساۋدى ءالى جالعاستىرۋدا دەپ حابارلاعان ەدى. بارىمىزگە بەلگىلى، 12 ماۋسىمدا سينگاپۋردا تاريحتا العاش رەت اقش پەن كحدر-نىڭ اراسىندا جوعارى دەڭگەيدەگى كەزدەسۋ وتكەن ەدى. ترامپ پەن كيم جوڭ ىن كەلىسسوزدەر قورىتىندىسى بويىنشا ورتاق قۇجاتقا قول قويدى. وندا پحەنيان كورەي تۇبەگىن يادرولىق قارۋدان تولىق بوساتۋعا دايىن ەكەنىن حابارلاپ، ال اقش وعان قاۋىپسىزدىككە كەپىلدىك بەرۋە مىندەتتەلگەن بولاتىن.

“The Qazaq Times”