اقش يرانمەن قايتادان كەلىسىمشارت جاساعىسى كەلەدى

اقش-تىڭ يران بويىنشا ارنايى وكىلى برايان گۋك اق ءۇيدىڭ يادرولىق باعدارلاما جونىندە  جاڭا كەلىسىمشارت جاساۋ ءۇشىن يران بيلىگىمەن كەلىسسوزدەر جاساۋعا دايىن ەكەنىن مالىمدەدى. بۇل تۋرالى lanouvellerepublique.fr حابارلايدى.

«اقش يرانمەن بالليستيكالىق زىمىران وڭدەۋ جونىندە تەھران باعبارلاماسىن دا قامتيتىن كەلىسىمشارت جاساۋ تۋرالى كەلىسسوزدەر جۇرگىزۋدىڭ جولدارىن ىزدەۋدە. ءبىز ناعىز كەلىسىمشارت جاساۋعا تىرىسامىز»، - دەگەن گۋك، جاڭا كەلىسىمشارتتىڭ «بۇدان الدىنداعى سەكىلدى ەكى ۇكىمەت اراسىنداعى قاجەتسىز كەلىسىمشارت رەتىندە قالمايتىنىن» دا ايتقان.

بۇدان بۇرىن، ۇستىمىزدەگى جىلدىڭ 8 مامىرىندا اقش پرەزيدەنتى دونالد ترامپ يراننىڭ يادرولىق باعدارلاماسى جونىندەگى كەلىسىمشارتان شىعاتىنىن مالىمدەپ، يراندىق رەجيمگە قارسى جاڭا سانكتسيالار ەنگىزگەن ەدى. اق ءۇي باسشىسى كەلىسىمشارتتى ءادىل ەمەس دەپ اتاپ، ونىڭ تەھراننىڭ يادرولىق امبيتسياسىن شەكتەيتىنىنە كۇمانمەن قارايتىنىن جاسىرماعان بولاتىن. يراننىڭ يادرولىق باعدارلاماسى جونىندەگى 2015 جىلعى تاريحي كەلىسىمشارت  يراننان بىرقاتار سانكتسيالاردى الىپ تاستاۋعا، ونىڭ قايتارىمى رەتىندە يادرولىق ماتەريالداردى ساقتاۋ جانە بايىتۋىن شەكتەۋگە مىندەتتەگەن ەدى.

“The Qazaq Times”