فوتو: lci.fr

ءسۇريادا از عانا ۋاقىت ىشىندە ورىن العان ءبىر ميلليون ادامنان اساتىن ىشكى كوشى-قون وسى ەلدە دەموگرافيالىق قۇرىلىمىن وزگەرۋ ساياساتىنىڭ ءالى دە جالعاسۋ ۇستىندە ەكەنىن كورسەتەدى. بۇل تۋرالى  ساۋد-ارابياسىنىڭ بۇۇ-داعى تۇراقتى وكىلى ءابدۇلازيز ءال-ۆاسيل ۇيىمنىڭ ادام قۇقىقتارى جونىندەگى كەڭەسىندە ايتتى، - دەپ حابارلايدى SPA.

تۇراقتى وكىل الەمدىك قاۋىمداستىقتى سۇريالىق رەجيمنىڭ باسشىسى باشار اسادقا قىسىم كورسەتۋگە ءوتىنىش جاساعان. ونىڭ ايتۋىنشا، ساۋد ارابياسى سۇريالىق قاقتىعىستى بەيبىت جولمەن شەشۋە ىنتالى. بۇۇ-نىڭ سۇرياداعى ادام قۇقىقتارىنا قاتىستى جاعداي تۋرالى بايانداماسىندا سۇرياداعى ىشكى كوشى-قون قاقتىعىس باستالعالى بەرى بولىپ كورمەگەن ماسشتابقا جەتكەن. 2018 جىلدىڭ قاڭتار-شىلدە ايلارىندا ءبىر ميلليوننان استام ادام ءوز باسپانالارىن تاستاپ كەتۋگە ءماجبۇر بولعان.

سۇرياداعى سوعىس 2011 جىلدىڭ ناۋرىز ايىندا بەيبىت قارسىلىق شەرۋى قارۋلى قاقتىعىسقا اينالىپ، اسكەريلەر كوتەرىلىسكە شىعۋشىلارعا قارسى وق اتقاننان كەيىن تۇتانعان ەدى. بۇۇ مالىمەتى بويىنشا، وسى قاقتىعىس باستالعاننان بەرى 400 مىڭ ادام قازا تاۋىپ، 10 ميلليوننان استام ءوز ۇيلەرىن تاستاپ كەتۋگە ءماجبۇر بولعان. ال، 4,8 ادام وزگە ەلدەرگە بارىپ پانالاعان.

“The Qazaq Times”