ەۋرووداق رەسەيگە قارسى سانكتسيا مەرزىمىن جارتى جىلعا ۇزارتتى

ەۋروپا وداعى رەسەيگە قارسى سالىنعان سانكتسيا مەرزىمىن 2019 جىلدىڭ 15 ناۋرىزىنا دەيىن، جارتى جىلعا ۇزارتۋعا شەشىم شىعاردى. بۇل تۋرالى ەۋروپا كەڭەسىنىڭ سايتىندا جاريالانعان مالىمدەمەدە ايتىلدى، - دەپ حابارلايدى dw.com/tr.

سانكتسيالار ۋكراينانىڭ ايماقتىق تۇتاستىعىنا، تاۋەلسىزدىگىنە نەمەسە ەگەمەندىگىنە قاۋىپ توندىرەتىن ارەكەتتەرگە بايلانىستى سالىنعان. ول 155 جەكە تۇلعا مەن 44 ۇيىمدى قامتيدى.

ەسكە سالايىق، ۇستىمىزدەگى جىلدىڭ 18 شىلدەسىندە ەۋرووداق قىرىم اننەكتسياسىنا بايلانىستى رەسەيگە سالىنعان سانتسيانى ءبىر جىلعا، ياعني 2019 جىلدىڭ 23 ماۋسىمىنا دەيىن ۇزارتقان ەدى.

5 شىلدەدە ەۋروپا وداعى وسى سانكتسيانى 2019 جىلدىڭ 31 قاڭتارىنا دەيىن ۇزارتقان ەدى. وعان مينسك كەلىسىمشارتىنىڭ جۇزەگە اسىرىلماۋى مەن ۋكرايناعا قاتىستى ءالى جالعاسقان قىسىم سەبەپ بولعانىن ايتىپ تۇسىندىرگەن وداق.

“The Qazaq Times”