گەرمانيا اسادقا قارسى وپەراتسياعا قاتىسۋى مۇمكىن

«گەرمانيا قارۋلى كۇشتەرى باشار اساد رەجيمىنە قارسى اسكەري وپەراتسياعا قاتىسۋى مۇمكىن»، - دەپ جازادى «بيلد» گەرمانيالىق ءىرى اقپارات باسىلىمى.

باسىلىمنىڭ مالىمەتىنشە، گەرمانيانىڭ قورعانىس ءمينيسترى ۋرسۋلا فون دەر ليايەن اقش، ۇلىبريتانيا جانە فرانتسيانىڭ وداقتىق كۇشتەرىنە قوسىلۋ مۇمكىندىكتەرىن قاراستىرۋدا. امەريكالىق تاراپ گەرمانيا ۇكىمەتىنە وسىنداي ءوتىنىش جاساعان. سونىمەن قاتار، نەمىس اسكەرلەرى مۇنداي قادامعا باشار اساد يبديب قالاسىنا شابۋىل كەزىندە ۋلاۋشى زاتتەكتەردى تاعى دا قولدانعان جاعدايدا بارۋى مۇمكىن ەكەندەرىن ەسكەرتكەن.

ەسكە سالا كەتۋ كەرەك، بۇدان بۇرىن گەرمانيا كانتسلەرى انگەلا مەركەل نەمىس اسكەريلەرىنىڭ اساد رەجيمىنە قارسى وپەراتسياعا قاتىسۋىنا تىيىم سالعان ەدى. سونىمەن قاتار، تۇركيا پرەزيدەنتى رەجەپ تايىپ ەردوعان اساد پەن ونىڭ وداقتاستارىن يدليب قالاسىنداعى شابۋىلدان ساقتاندىرعان ەدى. ال، اق ءۇي باسشىسى دونالد ترامپ ەگەر يدليبتە قان توگىلسە، اقش-تىڭ «اشۋعا مىنەتىنىن» مالىمدەگەن بولاتىن. ءوز كەزەگىندە، فرانتسيا قارۋلى كۇشتەرى باس شتابىنىڭ باسشىسى فرانسۋا لەكۋانتر دا ەگەر شامعا (داماسك) شابۋىل كەزىندە حيميالىق قارۋ قولدانسا، سۇرياداعى نىساندارعا سوققى جاساۋعا دايىن ەكەنىن ەسكەرتكەن ەدى. اقپارات كوزدەرىنىڭ مالىمەتىنشە، قازىرگى ۋاقىتتا  اساد رەجيمى رەسەي مەن يراننىڭ قولداۋىمەن «تەرروريستەرمەن كۇرەسۋ» دەگەن جەلەۋمەن سۇريالىق كوتەرىلىسشىلەردىڭ سوڭعى انكلاۆىنا شابۋىل دايىنداۋ ۇستىندە.

“The Qazaq Times”