http://bit.ly/2hepGFF

حالىقارالىق جۋرناليستەردى قورعاۋ كوميتەتىنىڭ (CPJ) زەرتتەۋى بويىنشا,  الەمدە جۋرناليستەردىڭ قاماۋعا الىنۋى رەكوردتىق كورسەتكىشكە جەتتى. 

دەپ حابارلايدى ببس ءدىڭ قىرعىز قىزمەت.

اتالمىش كوميتەتتىڭ  مالىمەتىنە سۇيەنسەك، جۋرناليستەردى قاماۋعا الۋدا تۇركيا قىتايدان اسىپ تۇسكەن.

2016 جىلدىڭ 1 جەلتوقسانىنداعى مالىمەتتەر بويىنشا،  الەمدەگى تۇتقىندالعان جۋرناليستەردىڭ سانى 259-عا جەتكەن. كوميتەتتىڭ دەرەگى بويىنشا تۇركيا كەمىندە 81 ءجۋرناليستى قاماعان.  بۇل الەمنىڭ بارلىق ەلىندەگى زاڭدى تىركەۋدە كورسەتىلگەن ساناق.

قاماۋعا الىنعاندار «مەملەكەتكە قاۋىپ توندىرگەندەر» دەپ ايىپتالعان دەيدى كوميتەت ەسەبىندە.

قىتايمەن تۇركيادان قالا بەردى، بۇل ءتىزىمدى ەگيپەت، ەريترەيا جانە ەفيوپيا جالعادى. سونىمەن بىرگە ەفيوپيا، پاناما، سينگاپۋر جانە رەسەيدە جۋرناليستەر اباقتىعا قامالدى دەپ جازادى CPJ.

حاباردا رەسەيدە ەكى جۋرناليست كاسىبي قىزمەتى ءۇشىن قامالعان. سولاردىڭ ءبىرى، «ۋكراينفورم» اگەنتتىگى ءتىلشىسى سۋششەنكو رومان تىڭشىلىق جاسادى دەگەن كۇدىكپەن تۇتقىندالعان. ال، «كاۆكازسكي ۋزەل» ءتىلشىسى جالاۋدي گەريەۆ ءۇش جىلعا سوتتالىپ، ساياسي تۇتقىن بولدى.

تۇركياداعى اسكەري توڭكەرىستىڭ ساتسىزدىگىنەن كەيىن جۋرناليستەردى جاپپاي قاماۋ ورىن الدى. سوڭعى تازالاۋعا وپپوزيتسيالىق «Cumhuriyet» گازەتىنىڭ 9 ءجۋرناليستى ءىلىندى. تۇرىك بيلىگى ولاردى اقش-تا تۇراتىن ءدىني قايراتكەر فەتحۋللاح گۋلەنمەن بايلانىستا بولدى دەپ ايىپتاپ وتىر. فەتحۋللاح ونى جوققا شىعارۋدا.

«حالىقارالىق جۋرناليستەردى قورعاۋ ۇيىمى» حالىقارالىق تاۋەلسىز ۇيىم. باس كەڭسەسى نيۋ-يوركتا ورنالىسقان. جۋرناليستەردىڭ قۇقىعىن قورعاۋ بويىنشا ءىس جۇرگىزەدى.  ۇيىم الەمدەگى جۋرناليستەردى قۋعىنداۋ جانە ءولتىرۋ فاكتىسى بويىنشا اقپارات جيناۋمەن اينالىسادى.

«The Qazaq Times»