موگەريني: باتىس بالقان ەلدەرىن قۇرامىنا المايىنشا، ەۋرووداق تولىققاندى ۇيىم بولىپ سانالمايدى

باتىس بالقان ەلدەرى قۇرامىنا كىرمەيىنشە، ەۋرووداق تولىققاندى وداق بولىپ سانالمايدى. بۇل تۋرالى، سارسەنبى كۇنى ەو ديپلوماتياسىنىڭ باسشىسى فەرەدەريكا موگەريني ۆەناداعى ەو-تىڭ 28 ەلىنىڭ سىرتقى ىستەر جانە قورعانىس مينيسترلەرىنىڭ بەيرەسمي كەزدەسۋىندە مالىمدەگەن.

«ەو جوباسى باتىس بالقان ەلدەرى ەۋروپالىق وتباسىنىڭ مۇشەسى بولمايىنشا، اياقتالمايدى. بىزگە بۇنى گەوگرافيا، ەكونوميكا، ءتىپتى قاۋىپسىزدىك سالالارى كورسەتۋدە. بىزگە سالسا، ەو ەسىگىن اشىق قالدىرار ەدىك»، - دەگەن ول ەو كەڭەسىندەگى اۆستريالىق توراعالىقتىڭ بريۋسسەلدىڭ باتىس بالقان ەلدەرىنە قاتىستى ساياساتىن قولدايتىنىن دا ايتقان. كەشە، سارسەنبى كۇنى كەشكە اۆستريا استاناسى ۆەنادا ەو-نىڭ 28 ەلىنىڭ قورعانىس مينيسترلەرىنىڭ بەيرەسمي كەزدەسۋى باستالدى. وندا ەۋروپا وداعىنىڭ جەرورتا تەڭىزىندەگى بوسقىنداردى قۇتقارۋمەن اينالىساتىن «سوفيا» ميسسياسىنىڭ جان-جاقتى جوسپارىن قايتا قاراۋ تۋرالى ماسەلە تالقىلانادى دەپ كۇتىلۋدە. ودان بولەك، 30-31 تامىزدا اۆستريا استاناسىندا ەو ەلدەرىنىڭ ءسىم باسشىلارىنىڭ دا كەزدەسۋى وتپەك. نەگىزى، باتىس بالقان ەلدەرىنىڭ وداق قۇرامىنا كىرۋى كوپتەن كۇتىلگەن جايت. ەندى، ف.موگەريني وسى ماسەلە قايتادان كۇن تارتىبىنە شىعارىلسا،  ەو جۇمىسى تولىققاندى بولادى دەپ كۇتەتىنىن مالىمدەپ وتىر.

“The Qazaq Times”