جاقىندا يران مەن ءسۇريادان كەلگەن ەكى كەلىمسەك 35 جاستاعى نەمىس ازاماتىن پىشاقاپ ولتىرگەن. قاندى وقيعا كۇللى گەرمانيانى دۇرلىكتىرىپ، حەمنيتس قالاسىنىڭ تۇرعىندارى جاپپاي ەرەۋىلگە شىقتى.

بوسقىنداردى قورعاپ شىققان جۇرت تا بار. ەرەۋىلگە شىققاندار قاراما-قايشى ەكى توپقا بولىنگەن. سونىڭ سالدارىنان قالا كوشەلەرىندە جاپپاي تارتىپسىزدىك ورنادى. ولار ءبىر-بىرىنە تاس، شولمەك پەن پيروتەحنيكا لاقتىرعان. اۋىر جاراقات العاندار بار. جەرگىلىكتى پوليتسيا قاقتىعىسقا توسقاۋىل بولۋ ءۇشىن سۋ شاشاتىن زەڭبىرەكتى قولدانۋعا ءماجبۇر بولعان.

قازىرگى ۋاقىتتا قاماۋعا الىنعانداردى تەرگەۋ جۇرگىزىلىپ جاتىر. ساكسونيانىڭ ىشكى ىستەر ءمينيسترى رولاند ۆيوللەر «نارازىلىق شەرۋىن توقتاتىپ، راديكالدار مەن انارحيستەرگە ءتيىستى شارا قولدانامىز»  – دەپ مالىمدەدى.

"The Qazaq Times"