دايش تەررورلىق ۇيىمىنىڭ جەتەكشىسى قازا تاپتى

دايش تەررورلىق ۇيىمىنىڭ اۋعانستانداعى جەتەكشىسى قازا تاپتى، - دەپ حابارلايدى اۋعان ۇكىمەتى.  كابۋلداعى ۇلتتىق قاۋىپسىزدىك باسقارماسىنىڭ اقپاراتىنا سايكەس، ۇيىمنىڭ اۋعانستانداعى تارماعىنىڭ جەتەكشىسى ءابۋ سااد ءارحابي سەنبى كۇنى كەشكە نانگارحار قالاسىنداعى سوققى سالدارىنان قازا تاپقان.

سونىمەن قاتار، اۋعانستانىق جانە شەتەلدىك كۇشتەردىڭ بىرىككەن اۋە جانە قۇرلىقتىق وپەراتسيالارى كەزىندە اتالعان تەررورلىق توپتىڭ ون مۇشەسى قازا تاۋىپ، ۇيىمعا تيەسىلى وق-دارىلەر مەن قارۋ-جاراقتاردىڭ دا كوپ بولىگى جويىلعان. ءابۋ سااد ءارحابي يسلام مەملەكەتىنىڭ اۋعانستانداعى ءتورتىنشى جەتەكشىسى. بۇرىنعى جەتەكشى ءابۋ سايد نارنارحارداعى كەزەكتى سوققى كەزىندە ولتىرىلگەن ەكەن. ايتا كەتۋ كەرەك، اۋعانستانداعى يسلام مەملەكەتىنىڭ بولىمشەسى 2015 جىلدان بەرى تالىبتەرمەن، اۋعاندىق جانە امەريكالىق كۇشتەرمەن بەلسەندى كۇرەس جۇرگىزىپ كەلەدى. بۇۇ مالىمەتى بويىنشا، يسلام مەملەكەتىنىڭ اۋعانستانداعى تەرروريستەرىنىڭ سانى 3,5-4,5 مىڭ ادامنان اسادى.

“The Qazaq Times”