بۇدان بۇرىن دا حابارلانعانىمىزداي، يتاليالىق جاعالاۋ قىزمەتىنىڭ كەمەسى «Diciotti» 177 زاڭسىز بوسقىندى العان بولاتىن. ەندى، يتاليانىڭ دەنساۋلىق ساقتاۋ ءمينيسترىنىڭ ورىنباسارى داۆيدە فاراونە سول كەمەدەگى بوسقىنداردىڭ اشتىق جاريالاپ جاتقاندىقتارىن حابارلادى، - دەپ جازۋدا «haberler.com».
«مەن جاڭا عانا جاعالاۋ باسقارماسىنان «Diciotti» كەمەسىنىڭ كەسىرىنەن جاعدايدىڭ ۋشىعىپ بارا جاتقانى تۋرالى حابار الدىم. بوسقىندار اشتىق جاريالاۋدا»، - دەپ حابارلاعان. قازىرگى ۋاقىتتا، اتالعان كەمەگە ەشكىم جىبەرىلمەۋدە. بۇل — بارىنەن بۇرىن قاۋىپسىزدىك ءۇشىن قاجەت دەپ حابارلاۋدا يتاليا قاۋىپسىزدىك قىزمەتتەرى. بۇدان بۇرىن، 22 تامىزدا مالتانىڭ اتالعان كەمەنى قابىلداۋدان باس تارتقانى تۋرالى حابارلانعان ەدى. سوندىقتان، كەمە يتاليالىق لامپەدۋزە ارالىنا جاقىن كەلىپ توقتاعان بولاتىن. يتاليانىڭ سىرتقى ىستەر ءمينيسترى ماتتەو سالۆيني جاعالاۋعا تەك كامەلەتتىك جاسقا تولماعان 27 جەتكىنشەكتىڭ شىعۋىنا رۇقسات بەرگەن بولاتىن. ال، قالعان بوسقىندار ءالى ۋاقىتقا دەيىن «Diciotti» كەمەسىنىڭ بورتىندا. قازىرگى تاڭدا ەۋرووداق بوسقىندارعا قاتىستى ماسەلەنى بىرجاقتى ەتۋگە تىرىسقانمەن، مۇشە-ەلدەردىڭ اراسىنداعى وسىنداي تارتىستىڭ بىتەر ءتۇرى كورىنبەيدى. بۇدان بۇرىن دا، فرانتسيا ۇكىمەتى بوسقىندار ءتۇرلى جۇقپالى اۋرۋلاردى تاراتۋدا دەپ شاعىمدانعان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟