گرۋزيا رەسەيدىڭ ۇستىنەن ەۋروپا سوتىنا شاعىم ءتۇسىردى

21 تامىز، سەيسەنبى  كۇنى گرۋزيانىڭ ادىلەت مينيسترلىگى رەسەي فەدەراتسياسىنىڭ ۇستىنەن ادام قۇقىقتارى جونىندەگى ەۋروپا سوتىنا مەملەكەتارالىق تالاپ ءتۇسىردى. گرۋزيانىڭ بۇل قادامىنا وڭتۇستىك وسەتيادا ارچيل ءتاتۋناشۆيليدىڭ ءولتىرىلۋى مەن باسقا دا ادام قۇقىقتارىنىڭ اياق استى ەتىلۋى سەبەپ بولعان. بۇل جونىندە اتالعان مەكەمەگە سىلتەمە جاساپ گرۋزيا Online حابارلايدى.

«تالاپ ۇستىمىزدەگى جىلدىڭ اقپان ايىندا ارچيل تاتۋناشۆيلي ولتىرىلگەننەن كەيىن كريتيكالىق جاعدايعا جەتكەن ءارى 2008 جىلعى سوعىستان سوڭ ابدەن شيەلەنىسكەن باسىپ الىنعان ايماقتاردا تۇراتىن گرۋزين حالقىنىڭ جاپپاي قۋدالانۋى، ۇستاپ-قامالۋى، ولارعا جاسالعان شابۋىل مەن ازاماتتارىمىزدىڭ ولتىرىلۋىنە بايلانىستى تۇسىرىلگەن»، - دەپ حابارلانعان. اتالعان ۆەدوموستۆا رەسەي مەن ونىڭ قاراماعىنداعى بيلىكتەر وزدەرىنىڭ قىلمىستارىن جاسىرۋعا تىرىسىپ، ا.ءتاتۋناشۆيليدىڭ مۇردەسىنىڭ مەديتسينالىق ساراپتاماسى تۋرالى مالىمەتتەردىڭ بالاما نۇسقالارىن ويلاپ تابۋ ارقىلى گرۋزيا بيلىگىن شاتاستىرۋعا تىرىسۋدا دەلىنگەن. وسىعان بايلانىستى، گرۋزيا ستراسبۋرگ سوتىنان (ەۋروپا سوتى) ەۋروپا كونۆەنتسياسىنىڭ كوپتەگەن باپتارىن بۇزۋىنا بايلانىستى رەسەي فەدەراتسياسىن جاۋاپكەرشىلىككە تارتۋدى تالاپ ەتۋدە. بارىمىزگە بەلگىلى، گرۋزيا ازاماتى ارچيل تاتۋناشۆيلي تۋىستارىن كورۋ ءۇشىن، اۋىلىنا كەلگەنىندە وڭتۇستىك وسەتيا بيلىگى تاراپىنان ۇرلاپ اكەتىلگەن ەدى. وعان «ديۆەرسيالىق قىزمەتتەر» ءۇشىن ايىپ تاعىلىپ، ارتىنشا ول ساتىدان ءتۇسىپ بارا جاتقاندا قازا تاپقان سياقتى كورسەتىلگەن ەدى.

“The Qazaq Times”