گەرمانيانىڭ جاڭادان سايلانعان سىرتقى ىستەر ءمينيسترى حايكو مااس "Handelsblatt" گازەتىنە بەرگەن سۇحباتىندا امەريكامەن اراداعى قارىم-قاتىناستاردى قايتا قاراۋ تۋرالى ۇسىنىس بىلدىرگەن. ونىڭ ايتۋىنشا، ۋاشينگتونعا دەگەن سەنىم بۇرىنعىداي ەمەس.  

«ەۋروپالىق وداقتىڭ قۇرامىنداعى مەملەكەتتەردىڭ مۇددەسى ورتاق . ەو تەك قانا امەريكانىڭ ەمەس، ءبىزدىڭ دە دنك-مىز ىسپەتتى. اقش يرانمەن بايلانىسىن دوعارىپ، ەكونوميكالىق تۇرعىدا دۇرىس ساياسي ستراتەگيا جۇرگىزۋى ءتيىس. ترامپ گەرمانيانى ەشقاشان باسىپ وتپەۋى قاجەت. قازىرگى جاعدايدا بۇل قاتەلىكتەر ءجيى بايقالادى»، – دەيدى مينيستر مااس.

ەكى ەل اراسىنداعى قارىم-قاتىناس دونالد ترامپتىڭ بيلىككە كەلۋىنەن باستاپ ناشارلاي تۇسكەن. ترامپ گەرمانيا كانتسلەرى انگەلا مەركەلدى ءجيى سىنعا الىپ، ميگرانتتاردىڭ ارتۋىنا قارسىلىق بىلدىرگەن بولاتىن. مەركەل ترامپتىڭ كوشى-قون زاڭناماسى مەن ميگراتسيا ماسەلەسىنە قاتىستى پىكىرىن قۇپتامايدى.

2018 جىلى ماۋسىمدا دونالد ترامپ: «گەرمانيا – ەنەرگەتيكالىق تۇرعىدان رەسەيگە تىكەلەي تاۋەلدى مەملەكەت»، – دەپ كەسىپ ايتقان. ساياسي بىلىقتىڭ ورتاسىندا قالعان ەكى مەملەكەت باسشىلارىنىڭ بولاشاقتا ناقتى قانداي كەلىسىمىگە كەلەتىنى ازىرگە جۇمباق كۇيىندە قالۋدا.

"The Qazaq Times"