فوتو: EPA

گەرمانيا گرەكيامەن بوسقىندار ىسىنە قاتىستى ءبىر مامىلەگە كەلدى. ەندى، گرەكيادان باسساۋعا الۋعا ءوتىنىش بىلدىرگەن بوسقىندار سول ەلگە ەش كەدەرگىسىز جىبەرىلەتىن بولادى. بۇل تۋرالى «DW» اگەنتتىگى گەرمانيانىڭ ىشكى ىستەر مينيسترلىگىنىڭ ءباسپاسوز حاتشىسى ەلەونورا پەتەرماننىڭ مالىمدەمەسىنە سىلتەمە جاساپ حابارلايدى.

«ءبىز كەلىسىمشارتقا قول جەتكىزدىك»، - دەپ مالىمدەگەن ە.پەتەرمانن. گرەكيادان باسساۋعا الۋعا ءوتىنىش جاساعان بوسقىندار 48 ساعاتتىڭ ىشىندە سول ەلگە قايتارىلاتىن بولادى. بۇدان بۇرىن دا گەرمانيا ۇكىمەتى يسپانيامەن دە ءدال وسىنداي كەلىسىمشارت جاساسقان ەدى. اتالعان كەلىسىمشارت 11 تامىز كۇنى كۇشىنە مىنگەن بولاتىن.

نەگىزى، گەرمانيانىڭ ىشكى ىستەر ءمينيسترى حورست زەەحوفەر بوسقىنداردىڭ نەمىس شەكاراسىنان وتۋلەرىنە رۇقسات ەتپەيتىندەرىن ايتىپ، وسى ماسەلەدە بارىنشا كەلىپەيتىنىن ايتقان ەدى. ال، كانتسلەر مەركەل ەۋروپا وداعىن وسى ماسەلەگە ارالاسۋعا شاقىرعان ەدى. اقىرى، ولار بوسقىنداردى قابىلداۋعا ارنالعان ورتالىق قۇرۋعا كەلىسكەن بولاتىن.

“The Qazaq Times”