سۇرياداعى كۇردتەردىڭ قانداي اۆتونوميا قۇرعىسى كەلەتىندەرى بەلگىلى بولدى

كۇرد دەلەگاتسياسى مەن سۇريالىق ۇكىمەتتىڭ  جاقىندا عانا شام (داماسك) قالاسىندا وتكەن كەزدەسۋلەرىندە كۇن تارتىبىنە قانداي ماسەلەلەر قويىلعانى تۋرالى اقپارات جارىققا شىقتى. تۇركيالىق «انادولى» اگەنتتىگىنىڭ حابارلاۋىنشا، شام ۇكىمەتى كۇرد قۇراماسىنىڭ باقىلاۋىنداعى سۇريالىق اۋدانداردىڭ اۆتونومياسى تۋرالى ماسەلەنى تالقىلاۋعا دايىن.

كۇردتەر ءسۇريانىڭ سولتۇستىگى مەن شىعىسىندا «شاعىن ۇكىمەتتىڭ» باسقارۋىنداعى اۆتونوميا قۇرۋدى ۇسىنعان. اتالعان اۆتونوميا ءسۇريانىڭ ەكونوميكا، قاۋىپسىزدىك، اۋىلشارۋاشىلىق، مادەنيەت، ءبىلىم جانە دەنساۋلىق ساقتاۋ سالالارىن رەتتەيتىن بولادى. ال، ءسۇريا ۇكىمەتىنە تەك سىرتقى ساياساتپەن اينالىسۋ قالماق. وسى «شاعىن ۇكىمەت» "كۇردتەردىڭ حالىقتىق قورعاۋ وتريادى" (YPG) مەن كۇرد جۇمىسشىلار پارتياسى (PKK) تاراپىنان باقىلاناتىن ءسۇريا دەموكراتيالىق كەڭەسىن قۇراتىن بولادى. الايدا، رەسمي شام بۇل ۇسىنىسپەن كەلىسپەگەن. ول ءسۇريا تەرريتورياسىنىڭ باقىلاۋى تەك ورتالىق ۇكىمەتتىڭ عانا قولىندا بولۋى كەرەك دەپ سانايدى. تاراپتار بۇل ماسەلەنى كەلەسى كەزدەسۋدە تالقىلاۋعا كەلىستى.

كوپتەگەن مامانداردىڭ ويىنشا، وسىنداي كۇرد اۆتونومياسىنىڭ ارتىندا امەريكالىق پروتەكتورات تۇر. ال، بۇل مۇلدە مۇمكىن ەمەس جايت. ولار، "مۇنداي نارسە سۇرياعا بەيبىتشىلىك اكەلمەيدى، قاقتىعىس باسەڭدەگەنمەن، امەريكالىقتارعا قاجەت بولعان كەزدە، قايتادان ۋشىعادى", - دەپ سانايدى.

“The Qazaq Times”