"كورىكتى مەكەن" تانىمدىق ساپارى بيىل الماتى وبلىسىنان باستالدى. جوباعا قاتىسۋشى توپ 3 كۇن بويى مەملەكەتتىك ماڭىزى بار سۋ نىساندارىنىڭ جۇمىسىمەن تانىسىپ، ماماندارمەن سۇحباتتاسىپ، وزەن-كولدەرگە ساياحاتتاپ، وڭىردەگى شارۋا قوجالىقتارىن ارالاپ كورەدى. 

الدىڭعىت جىلى جوبا تۇركىستان وبلىسىنان باستاۋ العان ەدى. بيىل الماتىدا جالعاسىن تابۋدا.  بۇدان ارى جامبىل، قىزىلوردا، اقمولا، قاراعاندى، باتىس جانە شىعىس قازاقستان وبلىستارىنا جالعاستىرۋ جوسپارلانعان.

جوبانىڭ باستى ماقساتى – ەلىمىزدىڭ ەكونوميكالىق مۇمكىندىكتەرىنىڭ ارتۋىمەن ەل قاۋىپسىزدىگىنە تىكەلەي قاتىسى بار سۋ رەسۋرستارىن رەتتەۋ، ستراتەگيالىق ماڭىزدى سۋ نىساندارىنىڭ قۇرىلىسىن جاڭعىرتۋ مەن جاڭا نىسانداردى تۇرعىزۋ جۇمىستارىن جۇرگىزۋ.

اتالعان اۋقىمدى ىستەردە اۋىل شارۋاشىلىعى مينيسترلىگى سۋ رەسۋرستارى كوميتەتى مەن وعان قاراستى مەملەكەتتىك كاسىپورىندار قوماقتى ۇلەس قوسىپ وتىر.

تانىمدىق ساپارعا ەلىمىزگە بەلگىلى بۇقارالىق اقپارات قۇرالدارىنىڭ وكىلدەرى، ينتەرنەت-جۋرناليستيكانىڭ تانىمال وكىلدەرى تارتىلىپ وتىر.

“The Qazaq Times”