ەۋرووداق پەن يران اقش-تىڭ يادرولىق كەلىسىمشارتتان شىعۋىنىڭ سالدارىن تالقىلادى

سينگاپۋردە يراننىڭ سىرتقى ىستەر ءمينيسترى موحاممەد دجاۆاد زاريف پەن ەۋروپا وداعىنىڭ سىرتقى ساياسات قۇرىلىمىنىڭ جەتەكشىسى فەدەريكا موگەرينيدىڭ اراسىندا رەسمي كەزدەسۋ ءوتتى. بۇل تۋرالى «20minutes.fr» اگەنتتىگى يراننىڭ ءسىم ءباسپاسوز قىزمەتىنە سىلتەمە جاساپ حابارلايدى.

كەزدەسۋ بارىسىندا م.د.زاريف پەن ف.موگەريني اقش-تىڭ ارەكەتتەرىنىڭ كەسىرىنەن قاۋىپتى جاعدايدا قالعان تەھراننىڭ (تەگەران) مۇددەسىن ساقتاۋدى تالقىلادى. «موحاممەد دجاۆاد زاريف پەن فەدەريكا موگەريني ەۋرووداق پەن يادرولىق باعدارلامادان اقش زاڭسىز  تۇردە شىققاننان كەيىنگى يراننىڭ پايدالارىنىڭ ساقتالۋىنا باعىتتالعان الەمدىك قاۋىمداستىق شارالارىن قاراستىردى» ، - دەلىنگەن يران سىرتقى ىستەر مينيسترلىگىنىڭ حابارلاماسىندا.

بارىمىزگە بەلگىلى، وسى جىلدىڭ 8-مامىردا اقش پرەزيدەنتى دونالد ترامپ ۋاشينگتوننىڭ يراننىڭ يادرولىق باعدارلاماسىنان شىعاتىنىن جانە يرانعا قارسى بارلىق سانكتسيالاردى قايتا جاڭعىرتاتىنىن مالىمدەگەن ەدى. وسى كەلىسىمشارتتىڭ باسقا قاتىسۋشىلارى اقش-تىڭ بۇل قادامىنا قارسى شىعىپ، يرانمەن اراداعى بۇرىنعى كەلىسىمشارتتاردى ساقتاپ قالۋعا نيەتتى ەكەندىكتەرىن حابارلاعان ەدى. ەندى، ەۋرووداق وكىلى يرانمەن وسى ماسەلە جونىندە بىرقاتات كەلىسىمگە باردى، - دەپ حابارلايدى «20minutes.fr».

 “The Qazaq Times”