امەريكا بىرىككەن شتاتتارى ەگەر انكارا بيلىگى امەريكالىق پاستور ەندريۋ برانسوندى قاماۋدان بوساتپاسا، تۇركياعا سانكتسيا سالۋى مۇمكىن. اق ءۇيدىڭ رەسمي وكىلى حوگان گيدلي كەشە، 26 شىلدە كۇنى اقش پرەزيدەنتى دونالد ترامپتىڭ وسى ماسەلەگە قاتىستى ايتقان سوزىنە پىكىر ءبىلدىردى، دەپ حابارلايدى «24heures.ch».
«پرەزيدەنت پاستوردىڭ اقش-قا قاشان ورالاتىنىن كۇتۋدە. ەگەر، ول جاقىن كۇندەرى ەلىنە قايتارىلماسا، تۇركيا امەريكا تاراپىنان سانكتسيالار كۇتە بەرسىن»، - دەگەن ول. كەشە، اقش اكىمشىلىگىنىڭ باسشىسى ۋاشينگتوننىڭ امەريكالىق پاستوردى قاماۋعا العانى ءۇشىن تۇركياعا قارسى «ەداۋىر كولەمدە سانكتسيا» ەنگىزەتىنىن حابارلاعان ەدى. الايدا، وسىعان دەيىن اقش ۆيتسە-پرەزيدەنتى مايكل پەنس اقش بيلىگى مۇنداي شەشىمدى ەگەر انكارا برانسوندى بوستاندىققا شىعارماعان جاعدايدا عانا قابىلدايتىنىن مالىمدەگەن ەدى.
ەسكە سالايىق، تۇركيانىڭ يزمير قالاسىندا تۇراتىن پروتەستانتتىق پاستور 2017 جىلى قاماۋعا الىنعان ەدى. وعان تۇركيادا تىيىم سالىنعان كۇرد جۇمىسشىلار پارتياسى مەن «فەتۋللاھشىلار تەررورلىق ۇيىمىمەن» (فەتو) بايلانىسى بار دەپ ايىپ تاعىلعان. وسى سوڭعىسىن تۇركيا 2016 جىلى ورىن العان توڭكەرىس ارەكەتىن ۇيىمداستىردى دەپ سانايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟