اقش پرەزيدەنتى دونالد ترامپ باراك وبامانى جاۋاپكەرشىلىككە تارتۋدى ۇسىندى.

دونالد ترامپ ءوزىنىڭ Twitter پاراقشاسىنا پرەزيدەنت سايلاۋى ماڭىنداعى داۋعا قاتىستى مالىمدەمە جاسادى. وندا ول: «ادىلەت مينيسترلىگى، فبر سياقتى باراك وباما باستاعان باندا مەنىڭ سىرتىمنان باقىلاۋ جاساعانى ءۇشىن جاۋاپقا تارتىلۋى ءتيىس» - دەگەن. ترامپتىڭ سوزىنشە، وباما كومانداسى حيللاري كلينتوننىڭ زاڭسىز تەكسەرۋ جۇمىستارىن جۇرگىزىپ جاتقانىن بىلگەن جانە ەشقانداي كەدەرگى كەلتىرمەگەن.

ەستەرىڭىزگە سالايىق، 2017 جىلدىڭ قاڭتار ايىندا ۇلىبريتانيالىق اگەنت كريستوفەر ستيل Buzzfeed سايتىنا دونالد ترامپقا قاتىستى مالىمەتتەر جاريالاعان. وندا رەسەي بيلىگىنىڭ دونالد ترامپقا قاتىستى ارنايى كومپرومات قۇجاتتارى بار دەلىنگەن بولاتىن. ال 2017 جىلدىڭ قازان ايىندا The Washington Post باسىلىمى «ترامپقا قارسى جۇرگىزىلگەن تەكسەرۋ جۇمىستارىن حيللاري كلينتوننىڭ سايلاۋ الدى شتابى قارجىلاندىرعان» دەگەن اقپارات تاراتقان.

“The Qazaq Times”