اقش رەسەي مەن يران اراسىنا وت جاققالى وتىر

اقش-تاعى ساياسي تالقىعا قاتىسقان امەريكالىق، ەۋروپالىق جانە اراب جوعارى لاۋازىمدى ساياساتكەرلەرى: «ترامپ رەسەي-يران اراسىنداعى ديپلوماتيالىق جانە اسكەري وداقتاستىقتى بۇزۋدىڭ جولدارىن قاراستىرادى»، – دەگەن بولجام جاسادى. ولاردىڭ ويىنشا بۇل ترامپقا ءسۇريا (سيريا) جانجالىن توقتاتۋ جانە يسلام ەلدەرىنە قارسى كۇرەستى كۇشەيتۋ ءۇشىن كەرەك ەكەن. بۇل تۋرالى “The Washington Times” حابارلايدى.

بۇل ساياساتكەرلەردىڭ ايتىسىنا قاراعاندا، ترامپ ءبىر جاعىنان پۋتينمەن قارىم قاتىناستى جاقسارتۋعا قادام قويىپ، ەندى ءبىر جاعىنان يراننىڭ اسكەري ىقپالىن تەجەۋگە تىرىسادى. سەبەبى، يران ورتا-شىعىستاعى رەسەيدىڭ ماڭىزدى وداقتاسى بولىپ كەلدى. ترامپ وسى ەكىجاقتىلى، ءارى جۇزەگە اسۋى قيىن جاڭا ستراتەگيانى جاساۋعا مۇددەلى.

بۇل تۋراسىندا امەريكاندىق ساياساتكەرلەردىڭ ءبىرى: «ترامپ اپتا سوڭىنداعى جاساعان بايانداماسىندا دا پۋتيننىڭ پىكىرىن السىرەتۋگە تىرىستى. الايدا، اقۇي تارابى رەسەيگە قۇشاق جايماسى انىق. ءتىپتى، پۋتيننىڭ ايعايىنا دا قۇلاق تۇرمەيدى»، - دەگەن ويىن ايتادى. ونىڭ ويىنشا قازىرگى اقش-رەسەي قارىم-قاتىناسى كەڭەس وداعى مەن امەريكانىڭ قىرعي-قاباق سوعىسى كەزەڭىنە ۇقسايدى. ال پرەزيدەنت ترامپ وسى جاعدايداعى باسىمدىقتى قولعا كەلتىرۋ ءۇشىن يراندى اۋىزدىقتاۋعا تىرىسادى. ەگەر، يران مەن رەسەي اراسىندا قانداي دا ءبىر ارازدىق بولىپ جاتسا، اقش ونى پايدالانۋعا دايىن.

سوڭعى ءبىر اپتادا ترامپ پەن ۇلتتىق قاۋىپسىزدىك كەڭەسى مۇشەلەرى قاتىسقان، ەۋروپالىق جوعارى لاۋازىمدى ساياساتكەرلەر تالقىسى بولعان ەدى. تالقى ناتيجەسى بويىنشا: يران مەن رەسەي اراسىندا داۋ-جانجال جوق، الايدا، ەكى ەلدىڭ قارىم-قاتىناسى بۇلىنبەۋىنە دە ەشكىم كەپىلدىك بەرە المايدى. پۋتيننىڭ قانداي قارىمتا قايتاراتىنى الى بەلگىسىز.

“The Qazaq Times”