تۇركيا مەن اقش مانبيدجدەگى بىرلەسكەن اسكەري وپەراتسيالارىن جالعاستىرۋدا

«اقش پەن تۇركيا "كۇردتەردىڭ حالىقتىق قورعاۋ وتريادىن" (YPG) ءسۇريانىڭ الەپپو قالاسىنان ىعىستىرۋعا باعىتتالعان جول كارتاسىن جۇزەگە اسىرۋ ۇستىندە». بۇل تۋرالى «meydan.com.tr» حابارلايدى.

تۇركيا اسكەري شتابتارى مەن اقش اۋە كۇشتەرى ءسۇريانىڭ «ەۆفرات قالقانى» انتيتەررورلىق وپەراتسياسى اياسىندا ازات ەتىلگەن سولتۇستىك ايماقتارى مەن مانبيدج اۋدانى اراسىنداعى شەكتەس ايماقتارداعى باقىلاۋ-وپەراتسيالارىنىڭ سەگىزىنشى كەزەڭىندە. مانبيدج تۇرىك-امەريكالىق جول كارتاسىنا سايكەس، ەكى ەلدىڭ اسكەريلەرى ءبىر-بىرىنە تاۋەلسىز ارەكەت ەتكەنمەن، ءوزارا قادام جاساسادى. وسى جىلدىڭ ءتورتىنشى ماۋسىمىندا انكارا مەن ۋاشينگتون PKK – YPG تەرروريستەرىنىڭ سۇريالىق قاناتىن ەۆفرات وزەنىنىڭ باتىسىنداعى ءسۇريا تەرريتورياسىنان شىعارۋعا قاتىستى كەلىسىمگە كەلگەن بولاتىن. ەستەرىڭىزدە بولسا، مانبيدج PKK وتريادتارى تاراپىنان 2016 جىلدىڭ تامىز ايىندا جاۋلاپ الىنعان ەدى. ايتا كەتۋ كەرەك، وسى اۋدان تۇرعىندارىنىڭ 90 پايىزىن ەتنيكالىق ارابتار قۇرايدى.

“The Qazaq Times”