فوتو: vestima.ru

رەسەي بيلىگى گۋلاگ لاگەرىنە قامالعاندار تۋرالى مالىمەتتەردى ورتەپ جاتىر. ءتيىستى شەشىم وسىدان 4 جىل بۇرىن قابىلدانعان ەكەن. ورتالىق ارحيۆ باسشىلارى بيلىك تاپسىرماسىن بيىلعى جىلدان باستاپ تولىق ورىنداۋعا كىرىسىپتى. بۇل تۋرالى كوممەرسانت باسىلىمى جازدى.

الايدا رەسەيدەگى كوپتەگەن مۋزەي ديرەكتورلارى ورتالىق مۇراعات باسشىلارىنىڭ بۇل قىلىعىن - تاريحقا جاسالعان "قاستاندىق" دەپ سانايدى. سوزدەرىنشە، كەڭەس وداعى كەزىندە رەپرەسسياعا ۇشىراعاندار تۋرالى اقپاراتتىڭ بارلىعى جويىلىپ كەتسە، وندا سول ءداۋىردىڭ شىندىعىن ەل سول كۇيى بىلە الماي كەتەدى. سوندىقتان ولار تىم قۇرىعاندا لاگەرگە قامالعانداردىڭ تىركەۋ كارتالارىن ساقتاپ قالۋدى ويلاپ، پرەزيدەنت اكىمشىلىگىنە حات جازىپتى. ازىرگە رەسەي بيلىگى بۇل ماسەلەگە قاتىستى تۇسىنىكتەمە بەرمەدى.

“The Qazaq Times”