يزرايل پرەمەر-ءمينيسترى بينيامين نەتانياحۋ وزبەكستان پرەزيدەنتى شاۆكات ميرزياەۆتى ەلىنە رەسمي ساپارمەن كەلۋگە شاقىردى. بۇل جونىندە يزرايل پرەمەرى وزبەكستان پرەزيدەنتىنە جولداعان قۇتتىقتاۋ حاتىندا ايتقان.

«يزرايل ۇكىمەتى اتىنان ءسىزدى وزبەكستان پرەزيدەنتى بولىپ سايلانعانىڭىز ءۇشىن قۇتتىقتاۋعا رۇقسات ەتىڭىز. سىزگە ەلىڭىزدىڭ گۇلدەنۋى جانە وركەندەۋى جولىندا ۇلكەن تابىستار تىلەيمىن»، – دەلىنگەن وزبەكستان ءسىم سايتىندا جاريالانعان قۇتتىقتاۋ حاتتا.

«الداعى ۋاقىتتا يزرايل مەن وزبەكستان اراسىنداعى قارىم-قاتىناس نىعايا تۇسەدى دەگەن سەنىمدەمىن. وسىعان بايلانىستى ءسىزدى يزرايلگە ءىس ساپارمەن كەلۋگە شاقىرامىن»، – دەپ اتاپ وتكەن نەتانياحۋ.

centralasian.org