قىتايدا اقش ديپلوماتىنا «اكۋستيكالىق شابۋىل» جاسالدى

قىتايدا «اكۋستيكالىق شابۋىلدان» اقش ديپلوماتى زارداپ شەكتى.

مامىر ايىنىڭ 23-ءى كۇنى اقش مەملەكەتتىك حاتشىسى مايك پومپەو قىتايداعى اقش ديپلوماتتارىنا قاتىستى جۋرناليستەر الدىندا ءسوز سويلەگەن. وندا ول: «قازىرگى تاڭدا اقش بيلىگى قىتايدىڭ گۋانچجوۋ قالاسىندا تۇسىنىكسىز دىبىس تولقىندارىنان زارداپ شەككەن اقش ديپلوماتىنىڭ ءحال-جاعدايىن باقىلاۋدا ۇستاۋدا. مەديتسينالىق قورىتىندىلاردىڭ بارلىعى قىتاي مەن كۋبادا بولعان وقيعالاردىڭ ءبىر ساناتتان ەكەندىگىن كورسەتۋدە. ءبىز قازىر وسىعان بايلانىستى ءتيىستى شارالار قابىلداپ جاتىرمىز» - دەگەن.

ءوز كەزەگىندە قىتاي سىرتقى ىستەر ءمينيسترى ۆان ي: «رەسمي بەيجىڭ گاۋنچجوۋ قالاسىندا زارداپ شەككەن اقش ديپلوماتىنا ەشقانداي «اكۋستيكالىق شابۋىلدىڭ» جاسالماعاندىعىن انىقتادى. دەسە دە، تەكسەرۋ جۇمىستارى جالعاسۋدا» - دەپ مالىمدەگەن.

ەستەرىڭىزگە سالايىق، بۇعان دەيىن 2017 جىلى اقش-تىڭ كۋباداعى ديپلوماتتارىنا اكۋستيكالىق شابۋىل جاسالىپ، سالدارىنان 24 ادام زارداپ شەككەن. بىراق جەرگىلىكتى بيلىك «اكۋستيكالىق شابۋىلدىڭ» بولماعاندىعىن العا تارتىپ، تەكسەرۋ جۇمىستارى تىعىرىققا تىرەلگەن.

“The Qazaq Times”