فوتو: nnils - LiveJournal

شىڭجاڭ-ۇيعىر اۆتونوميالى اۋدانىندا 1 ميلليون مۇسىلمان قاماۋدا وتىر. گەرمانيالىق زەرتتەۋشى ادريان زەنتس ءوز بايانداماسىندا وسىنداي دەرەك كەلتىرەدى. نەمىس وقىتۋشىسى ساياسي ۇيرەتۋ ورتالىقتارىنا ۇيعىرلار، قازاقتار مەن قىرعىزداردىڭ قامالعانىن ايتقان. وسى مالىمەتتى نەگىزگە الا وتىرىپ، اقش-تىڭ "The Washington Post " باسىلىمى كولەمدى ماقالا جاريالاپتى. بۇل تۋرالى "جاس الاش" گازەتى حاباردار ەتتى.

دەرەككە سەنسەك، قىتاي ۇكىمەتى شىڭجاڭداعى 40 ەلدىمەكەندە ورنالاسقان ساياسي ۇيرەنۋ ورتالىقتارىن دامىتۋ ءۇشىن ارنايى تەندر جاريالاپتى. ولار بۇل جوبانى العاش 2016 جىلى قولعا الىپ، جۇزەگە اسىرۋعا جەڭ تۇرە كىرىسكەن سىڭايلى. جوبانىڭ جالپى قۇنى 680 ملن يۋانعا (107 ملن دوللار) باعالانعان.

بيىل ءساۋىر ايىندا جاريالانعان تەندر بويىنشا، 286 مىڭ شارشى مەتر اۋماققا الىپ ورتالىق سالۋ كوزدەلگەن ەكەن. ول جەردە پوليتسەيلەردەن بولەك، كريمينالدى پسيحولوگيا جانە اسكەري تاجىريبەسى بار ادامدار جۇمىس ىستەمەك. قازىر جەرگىلىكتى بيلىك وكىلدەرى وسىنداي سالادان حابارى ادامداردى ىزدەپ جاتقان كورىنەدى.

“The Qazaq Times”