وڭتۇستىك قازاقستان وبلىسىنىڭ سايرام اۋدانىندا جات اعىمدى ۇگىتتەگەن 10-سىنىپ وقۋشىسى تۇرمەگە قامالدى. ول "تەرروريزمدى ناسيحاتتاۋ" جانە ء"دىني الاۋىزدىق قوزدىرۋ" باپتارى بويىنشا ايىپتى دەپ تانىلىپ، 4 جىلعا باس بوستاندىعىنان ايىرىلدى. بۇل تۋرالى وقو كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ توراعاسى قايرات قوڭىرباەۆ حابارلادى.

ايىپتالۋشى سوت زالىنان قاماۋعا الىنعان. جازاسىن قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەيدى. سوتتالعان وقۋشىنىڭ تۋىستارى سوت ۇكىمىمەن كەلىسپەي، ەندى اپپەلياتسيالىق شاعىم ءتۇسىرۋدى كوزدەپ وتىر.

ءتورت جىلعا اباقتىعا جابىلعان قىلمىسكەر بىلتىر قاراشا ايىندا تۇتقىنالعان ەدى. ول كەزدە ۇلتتىق قاۋىپسىزدىك كوميتەتىنىڭ قىزمەتكەرلەرى سايرام اۋدانىندا تەرروريزمدى اشىق ناسيحاتتاعان 11 كۇدىكتىنى قولعا تۇسىرگەن.            

        “The Qazaq Times”