اقش ورتالىق ازيا ەلدەرىنىڭ تاۋەلسىز باق سالاسىنا 15 ميلليون دوللار قارجى بولمەك.

اقش حالىقارالىق دامۋ اگەنتتىگى جاريالاعان قۇجاتقا سايكەس، اقش ۇكىمەتى ورتالىق ازيا ەلدەرىندەگى تاۋەلسىز بۇقارالىق اقپارات قۇرالداردى قولداۋ ماقساتىندا 15 ميلليون دوللار قارجى بولگەن. اتالمىش قارجى جۋرناليستەردىڭ كاسىبي بىلىكتىلىگىن جانە جەرگىلىكتى حالىقتىڭ مەديا ساۋاتتىلىعىن ارتتىرۋعا جۇمسالماق.

اقش حالىقارالىق دامۋ اگەنتتىگىنىڭ مالىمەتىنشە، قازىرگى ۋاقىتتا ورتالىق ازيا ەلدەرى ىشىندە قازاقستان، وزبەكستان جانە تاجىكستان تولىقتاي رەسەي اقپارات كەڭىستىگىندە. جوعارىدا اتالعان ءۇش مەملەكەتتىڭ ۇشەۋىنىڭ دە حالقى الەمدە بولىپ جاتقان وقيعالارعا رەسەي تەلەارنالارى مەن گازەت-جۋرنالدارىنىڭ كوزىمەن قارايدى جانە جەرگىلىكتى تاۋەلسىز باق رەسەيلىك مەديارەسۋرستارعا قارسى تۇرۋعا قاۋقارسىز.

“The Qazaq Times”