ءازىمباي عالي: ەكىنشى دۇنيەجۇزىلىك قىرعي قاباق سوعىسى رەسەيدىڭ ىدىراۋىمەن بىتەدى

رەسەي ورىستارى وزدەرى سايلاعان پرەزيدەنتىنە قارسى شىقتى. ءبىر جاعىنان رەسەي ورىستارى پۋتينگە قارسى 10 جىلعا سوزىلعان ەكونوميكالىق  ستاگناتسيا، ەكىنشى جاعىنان پۋتين قىرىمدى ۋكرايندەردەن تارتىپ الىپ بەردى. بۇل وڭاي ولجا دەيدى قاراپايىم ورىس ادامى. ولار ءماز.

ءپۋتيندى رەسەيدە جاقتاۋشىلار تىم كوپ، بىراق تۇرمىس قۇرعىر قىسىپ بارادى. ال  پۋتين ساياساتىن وزگەرتپەيدى، شەگىنبەيدى دە، رەسەي  بيلىگى  قيىندىقتى ءتوزۋدى شاقىرادى. جۇتىپ العان قىرىمدى رەسەي  قورىتىپ ءسىڭىرىپ الۋ كەرەك. باتىس ەلدەرىنىڭ (اقش پەن ەۋروپالىق وداق-ناتو) سانكتسيالارى قىسىپ بارادى، مۇناي باعاسى ءالى بيىك ، سول قارجى قيىندىقتى ازىرشە توزۋگە مۇمكىندىك بەرەدى. بولجاۋى قيىن ماسەلە ورىستىڭ قيىندىققا ءتوزۋ شەگىندە. ءوزىن ناعىز ورىسپىن دەپ سەزىنەتىن پۋتين كەرى شەگىنەتىن ءتۇرى جوق، ال باتىس تا رەسەيمەن ىمىرالاسقىسى كەلمەيدى. ايتەۋىر ءۇشىنشى دۇنيەجۇزىلىك سوعىس باستالعان جوق ، ەسەسىنە ەكىنشى دۇنيەجۇزىلىك قىرعي قاباق سوعىسى باستالعانىنا ءتورت جىلداي(2014) بولدى. ەستەرىڭدە بولسا ءبىرىنشى دۇنيەجۇزىلىك قىرعي قاباق سوعىسى كسرو-نىڭ – سسسر-دىڭ قۇلاۋىمەن اياقتالعان. ەكىنشى دۇنيەجۇزىلىك قىرعي قاباق سوعىسى رەسەيدىڭ ىدىراۋىمەن بىتەتىنىنە ۇقسايدى. مەنىڭ ويىمشا: نەعۇرلىم رەسەي ەكىنشى دۇنيەجۇزىلىك قىرعي قاباق سوعىسى ۇزاققا سوزىلسا -اسىرەسە شىعىس ۋكراينادا جانە ءسۇريادا  سوعىس ۇزاق سوزىلسا ماتەريالدىق شىعىن، اسكەري شىعىندار وسە بەرسە -سونشاما مورالدىق پسيحولوگيالىق جاعداي رەسەيدە ناشارلايدى. نەعۇرلىم باتىس ەلدەرىنىڭ (اقش پەن ەۋۆروپالىق وداق-ناتو) سانكتسيالارى قىسا بەرسە، مۇناي باعاسى تومەندەسە قيىندىقتى توزۋگە مۇمكىندىك ازايا بەرەدى. ورىس جۇرتى دا ادام: ولار دا ەت پەن تەرىدەن جارالاعان. ولار دا كۇندەردىڭ كۇنىندە بۇرق ەتىپ جانىپ،  لاپ ەتەدى دە كوشەگە شىعىپ تۇرىپ الادى، سوندا  ەشكىم ورىستى نە توقتاتا، نە كوندىرە  المايدى.

“The Qazaq Times”