فوتو: Newsru

5 ءساۋىر، جۇما كۇنى گازا سەكتورى مەن يزرايل اراسىنداعى شەكارادا پالەستينالىقتار مەن يزرايلدىك اسكەر اراسىندا قايتادان قاقتىعىس ورىن الدى.

گازا سەكتورى دەنساۋلىق ساقتاۋ مينيسترلىگىنىڭ مالىمەتىنشە، «ۇلى ورالۋ مارشى» كەزىندەگى تارتىپسىزدىك سالدارىنان كەم دەگەندە 1 143 پالەستينالىق جارالانعان. ولاردىڭ 40-تان استامى اتىس قارۋلارىنان جاراقات العان. بۇل تۋرالى  «Newsru» اگەنتتىگى حابارلايدى. قارسىلىق باستالعاننان بەرى بارلىعى 41 ادام قازا تاپقان.

گازا سەكتورى مەن يزرايل شەكاراسىنداعى قاندى قاقتىعىسقا اينالعان اۋقىمدى قارسىلىق شاراسى اعىمداعى جىلدىڭ 30 ناۋرىزىندا باستالعان ەدى. پالەستينالىق قارسىلىق قوزعالىسىن ۇيىمداستىرۋشىلار يزرايل بيلىگىنە دەگەن نارازىلىقتارىن وسىلايشا بىلدىرۋدە. ەندى، 15 مامىر كۇنى مىڭداعان ادامدىق اقتىق مارش بولادى دەپ كۇتىلۋدە.

“The Qazaq Times”