بيىل نوبەلدىڭ ادەبيەت سالاسىنداعى سىيلىعى بەرىلمەيتىن بولدى

شۆەد اكادەمياسى الەمگە تانىمال  نوبەل جۇلدەسىنىڭ ادەبيەت سالاسى بويىنشا تابىستالمايتىنىن مالىمدەدى. اكادەميانىڭ مۇنداي شەشىم قابىلداۋىنا ونىڭ ءبىر قىزمەتكەرىنىڭ كۇيەۋىنىڭ جىنىستىق قىلمىسقا قاتىستىلىعى سەبەپ بولعان دەپ حابارلايدى بي-بي-سي.

ەندى ادەبيەت سالاسى بويىنشا نوبەل – 2018 سىيلىعى جۇلدەگەرگە نوبەل - 2019 جۇلدەگەرىمەن بىرگە تابىستاماق. سونىمەن قاتار، اكادەميا بۇل شەشىمدى قوعامعا دەگەن سەنىمدىلىكتىڭ جوعالۋىنا بايلانىستى قابىلداعانىن مالىمدەدى.

بۇدان بۇرىن «Dagens Nyheter» باسىلىمى شۆەد اكادەمياسىنىڭ مۇشەسى بولىپ تابىلاتىن اقىن كاتارينا فروستەنسوننىڭ كۇيەۋىن اشكەرەلەيتىن ماتەريالدار جاريالاعان. باسىلىمنىڭ حابارلاۋىنشا، اقىننىڭ 71 جاستاعى كۇيەۋى، تەگى فرانتسۋز رەجيسسەر ءارى فوتوگراف جان-كلود ارنونىڭ 20 جىل بويى ايەلدەرگە جىنىستىق زورلىق كورسەتكەنى تۋرالى 18 ايەل شاعىم تۇسىرگەن.

تاريحقا كوز جۇگىرتسەك، ءبىرىنشى جانە ەكىنشى دۇنيەجۇزىلىك سوعىس جىلدارىندا، سونىمەن قاتار، جۇلدەگە لايىقتى ەڭبەك جوق دەپ تاپقان 1935 جىلى نوبەل جۇلدەسى جەتى مارتە تابىستالماي قالعان ەكەن.

“The Qazaq Times”