يادرولىق باعدارلاماعا قاتىستى يراننىڭ قانداي جوسپارى بار؟

اقش يراننىڭ يادرولىق باعدارلاماسىنا ارنالعان ورتاق جوسپاردان شىققان جاعدايدا تەھران (تەگەران) دا سونداي قادامعا بارادى. وسىنداي ەسكەرتۋ جاساعان يراننىڭ ۇلىبريتانياداعى ەلشىسى حاميد بايدينەجادتىڭ سوزىنشە، اقش اتالعان جوبادان باس تارتقان جاعدايدا كەلىسىمشارتتىڭ ماڭىزدى بولىگى جوققا شىعارىلادى. بۇل تۋرالى bbc.com حالىقارالىق اقپارات اگەنتتىگى حابارلايدى. 

«اقش كەلىسىمشارتتان باس تارتسا، بۇل وسى كەلىسىمشارتتىڭ كۇشىنىڭ جويىلعانىن بىلدىرەدى» - دەدى حاميد بايدينەجاد، CNN تەلەارناسىنا بەرگەن سۇحباتىندا. ونىڭ سوزىنشە، قازىرگى ۋاقىتتا يران بيلىگى اقش سونداي شەشىم شىعارعان جاعدايدا وعان قارسى جاۋاپ رەتىندە قانداي قادام جاسايتىندىقتارى تۋرالى ويلاستىرۋدا.

اعىمداعى جىلدىڭ باسىندا اقش پرەزيدەنتى دونالد ترامپ، ەگەر ەۋروپالىق ەلدەر «كەلىسىمشارتتىڭ وتە ۇلكەن كەمشىلىكتەرىن تۇزەتە الماسا» يراننىڭ يادرولىق باعدارلاماسى تۋرالى كەلىسىمشارتتان باس تارتۋ جونىندە ويىن بىلدىرگەن ەدى. ول سول كەزدە تەھرانعا سالىنعان سانكتسيانى الىپ تاستاۋ مەرزىمىن ۇزارتقان بولاتىن. ايتا كەتۋ كەرەك، اقش كەلىسىمشارتتىڭ كەيبىر باپتارىن ءوتىپ كەتكەن مەرزىممەن وزگەرتكىسى كەلگەن ەدى. يران بۇعان كەلىسپەگەن جاعدايدا، ۆاشينگتون قايتادان سانكتسيا سالاتىنىن ايتقان ەدى. ال بۇعان حالىقارالىق «التىلىقتىڭ» قالعان مۇشەلەرى (رەسەي، اقش، ۇلىبريتانيا، قحر، فرانتسيا، گەرمانيا) قارسى شىعۋدا. ەستەرىڭىزگە سالايىق، 2015 جىلدىڭ شىلدە ايىندا يران مەن وسى «التىلىق» كوپجىلدىق يراندىق يادرولىق ماسەلەنى رەتتەۋ جونىندە تاريحي كەلىسىمشارتقا قول قويعان ەدى.

“The Qazaq Times”