قازاق اقشاسى شەتەل اسىپ جاتىر

وتانداستارىمىز نەبارى 3 ايدا 113 ميلليارد تەڭگەنى وزگە مەملەكەتتەرگە اۋدارىپ ۇلگەرگەن. قاراجاتتىڭ كوبى ىرگەدەگى رەسەيگە جىبەرىلىپتى. بۇل  تۋرالى ranking.kz پورتالى مالىمدەدى.

بيىل قاڭتار مەن ناۋرىز ايلارىندا باسقا ەلدەرگە جونەلتىلگەن قارجى كولەمى بىلتىرعى جىلمەن سالىستىرعاندا 36,4 پايىزعا كوپ. قازاقستاننان اسىرىلعان اقشانىڭ 50 ملرد تەڭگەسى رەسەي قازىناسىنا قۇيىلىپتى. تابىسىن تۇركياعا، ودان قالدى وزبەكستان مەن قىرعىز ەلىنە تاسىپ جاتقاندار دا بار. اتالعان مەملەكەتتەرگە اۋدارىلعان قاراجاتتىڭ جالپى كولەمى 40 ملرد تەڭگەگە جۋىقتايدى.

وسى تۇستا، وزگە ەلدەردەن قازاقستانعا جىبەرىلگەن اقشا كولەمى اناعۇرلىم ارتپاعان. نەبارى 5,9 پايىز ءوسىم كورسەتىپتى.

“The Qazaq Times”