فوتو: سلوۆو ي دەلو

اق ءۇي اقش پرەزيدەنتى دونالد ترامپ پەن رەسەي باسشىسى ۆلاديمير ءپۋتيننىڭ كەزدەسەتىنىن راستادى.

2 ءساۋىر كۇنى وتكەن ءباسپاسوز ءماسليحاتىندا اق ءۇيدىڭ رەسمي وكىلى سارا ساندەرس الداعى ۋاقىتتا دونالد ترامپ پەن ۆلاديمير ءپۋتيننىڭ كەزدەسەتىندىگىن مالىمدەدى. ونىڭ سوزىنشە، اقش پەن رەسەي پرەزيدەنتتەرى كەزدەسۋ جونىندە ناۋرىز ايىنىڭ 20-ى كۇنى تەلەفون ارقىلى سويلەسۋ بارىسىندا كەلىسكەن. كەزدەسۋ وتكىزۋدى دونالد ترامپ ۇسىنعان. ال پۋتين ونى قابىل العان. بىراق ازىرگە كەزدەسۋدىڭ قاي ۋاقىتتا وتەتىندىگى بەلگىسىز.

بۇعان دەيىن رەسەي پرەزيدەنتىنىڭ كومەكشىسى يۋري ۋشاكوۆ ماسكەۋ قالاسىندا وتكەن بريفينگتە دونالد ترماپ پەن ۆلاديمير ءپۋتيننىڭ تەلەفون ارقىلى سويلەسكەنىن جانە اقش پرەزيدەنتىنىڭ رەسەي باسشىسىنا كەزدەسۋ وتكىزۋگە بايلانىستى ۇسىنىس جاساعانىن مالىمدەگەن. بۇدان بولەك ول اتالمىش اڭگىمەدەن كەيىن سيەتل قالاسىنداعى رەسەي ەلشىلىگىنىڭ جابىلعاندىعىن ايتقان.

“The Qazaq Times”