اراب وداعى يزرايل اسكەرلەرىنىڭ پالەستينالىقتارعا جاساعان باسقىندىق ارەكەتىنە قاتىستى ءىستى قولعا الۋ ءۇشىن ەرتەڭ، ياعني 3 ءساۋىر كۇنى وداق وكىلدەرىنەن قۇرالعان توتەنشە جيىن وتكىزبەك.

اراب وداعى پالەستينا ماسەلەسىنە جاۋاپتى باس حاتشىسىنىڭ ورىنباسارى سايد ءابۋ ءالي ءوز سوزىندە اتالعان جيىننىڭ پالەستينانىڭ تالابى بويىنشا ۇيىمداستىرىلاتىنىن جانە ساۋد ارابياسىنىڭ مينيسترلىگىندە وتەتىنىن ايتتى. ول "جەردى قورعاۋ كۇنىنىڭ 42-ءشى جىلدىعىنا وراي، جۇما كۇنى "ۇلى ورالۋ مارشى" دەگەن اتاۋمەن باستالعان بەيبىت شەرۋدە يزرايل اسكەرلەرى جاساعان قىلمىستار مەن پالەستينا جەرىندە جالعاسقان قاۋىپتى وقيعالاردىڭ قولعا الىنىپ، بىرجاقتى ەتىلەتىنىنە ۋادە بەرىپ، مالىمدەمە جاسادى.

اراب وداعىنىڭ وسى وقيعالار مەن گازا شەكاراسىندا 17 پالەستينالىق قازا تاپقان قاقتىعىستى نازاردان تىس قالدىرماعانى ايتىلعان سول مالىمدەمەدە الەم حالىقتارىن ءيزرايلدىڭ وسى ىستەرىنە بوگەت جاساۋعا ۇندەپ، وسى قاقتعىسقا جاۋاپتى ءبىر تەرگەۋ كوميسسياسىن قۇرۋ مىندەتىن جۇزەگە اسىرۋ دا ايتىلعان.

پالەستينالىقتار جەردى قورعاۋ كۇنىنىڭ 42-ءشى جىلدىعى قارساڭىندا جۇما كۇنىنەن بەرى قورشاۋعا الىنعان گازا سەكتورىنىڭ يزرايل شەكاراسىندا بەيبىت تۇردە ارەكەتكە كوشكەن. يزرايل اسكەرلەرىنىڭ ەكى كۇننەن بەرى وسى ارەكەتتەرگە قارسى باعىتتالعان قيمىلدارى كەزىندە 17 پالەستينالىق قازا تاۋىپ، جۇزدەگەن ادامنىڭ جارالانعانى بەلگىلى.

“The Qazaq Times”