فوتو: ntv.com.

امەريكا ء"سۇريانىڭ كەلەشەگى" اتتى پارتيا قۇردى دەپ حابارلايدى "abhaber.com" سايتى. دەگەنمەن، ساياساتكەرلەر اقش-تىڭ بۇل قادامىنا كۇدىكپەن قارايدى. ولار  "كۇردتەردىڭ حالىقتىق قورعاۋ وتريادىن" (YPG) قۇتقارۋ ءۇشىن قۇرىپ وتىر دەپ باعالاۋدا. نەگىزىندە، اقش بۇدان بۇرىن "YPG"-عا ء"سۇريا دەموكراتيالىق كۇشتەرى" (Syrian Democratic Forces)  دەگەن اتاۋ بەرگەن بولاتىن. ەندى الەمدىك اقپارات بەتتەرىندە جاڭادان قۇرىلعان ء"سۇريانىڭ كەلەشەگى پارتياسى" (Syria's Future Party) دەگەن پارتيانىڭ اتى وزگەرسە دە، زاتى وزگەرمەگەنىن، ياعني "كۇردتەردىڭ حالىقتىق قورعاۋ وتريادىنىڭ" (YPG) ناعىز ءوزى ەكەنىنە قاتىستى كۇماندى پىكىرلەر جازىلۋدا.

اقش سىرتقى ىستەر مينيسترلىگى وكىلدەرىنىڭ ءبىرى حيزەر نويەرت بۇل جاڭالىققا قاتىستى: "بۇۇ-نىڭ قاۋىپسىزدىك كەڭەسىنىڭ 2254-شەشىمى بويىنشا، سۇرياداعى جان تۇرشىگەرلىك احۋالعا نۇكتە قويۋ ءۇشىن ساياسي شەشىم قاجەت بولعاندىقتان، قانداي پارتيا بولسا دا ءبارىبىر، ءبىز قولداۋ كورسەتەمىز" دەدى. ول تىلشىلەردىڭ ء"سۇريانىڭ كەلەشەگى پارتياسى" "دەموكراتيالىق وداق"  پارتياسىنىڭ (PYD) ءبىر بولشەگى مە؟ دەگەن ساۋالىنا: "مەنىڭ تۇسىنگەنىم، بۇل كوپ ۇلتتى جانە سول ايماقتا تۇراتىن ادامداردان قۇرالعان پارتيا" ، - دەپ ەكىۇشتىلاۋ جاۋاپ قايتاردى.

ء"سۇريا كەلەشەگىنىڭ" قۇرامىندا تەررورلىق ۇيىمعا قاتىسى بار كوپتەگەن ەسىمنىڭ بار ەكەندىگى حالىقارالىق ۇيىمداردىڭ نازارىن اۋدارۋدا. ودان بولەك، جاڭا پارتيانىڭ قۇرىلۋىنا وراي ۇيىمداستىرىلعان كونگرەستە قولدانىلعان ۇراندارداعى جازۋلاردى جەرگىلىكتى قۇرىلىمدار اساد رەجيمىمەن مامىلەگە كەلۋگە دايىندىق رەتىندە باعالادى. ءبىر قىزىعى، جاڭا پارتيانىڭ اتقارۋشى كەڭەس مۇشەلەرىنىڭ تەك YPG-نىڭ نىسانىنداعى سولتۇستىك ءسۇريادان تاڭدالعانى دا ءمالىم بولدى. بۇل پارتيانىڭ ەندىگى باعىتى مەن   "كۇردتەردىڭ حالىقتىق قورعاۋ وتريادىنا" (YPG) قانشالىقتى قاتىسى بار ەكەندىگى ۋاقىتتىڭ ەنشىسىنە.

“The Qazaq Times”