قىتاي اسكەري شىعىندارىن ارتتىردى

قىتايدىڭ 2018 جىلعا ارنالعان اسكەري شىعىنى كوبەيدى – دەپ حابارلايدى نەمىس تولقىنى اقپارات اگەنتتىگى.

اگەنتتىك مالىمەتىنشە، قىتاي ۇكىمەتى بيىل قورعانىس سالاسىنا وتكەن جىلمەن سالىستىرعاندا 8,1%-عا كوپ قارجى بولگەن. رەسمي بەيجىڭنىڭ 2018 جىلعى اسكەري شىعىنى 1,1 ترلن يۋان (175 ملرد دوللاردى) قۇراعان. شەتەلدىك ساراپشىلاردىڭ سوزىنشە، قىتايدىڭ 2018 جىلعى اسكەري شىعىنى ەل ۇكىمەتى كورسەتكەندەي 8,1 پايىز ەمەس 25-50%-عا ارتقان.

قازىرگى تاڭدا قىتاي الەم بويىنشا قورعانىس سالاسىنا قارجى ءبولۋدان اقش-تان كەيىن ەكىنشى ورىندا تۇر.  بىراق وسىعان قاراماستان رەسمي بەيجىڭ ءوزىنىڭ اسكەري شىعىنىن جىل وتكەن سايىن ارتتىرۋدا.

“The Qazaq Times”