دسۇ-عا مۇشە ەلدەر قىتايدىڭ ساۋدا ساياساتىنا نارازىلىق ءبىلدىردى

جاقىندا دۇنيەجۇزىلىك ساۋدا ۇيىمىنا (دسۇ) مۇشە كەيبىر ەلدەر ۇيىمعا شاعىمدانىپ، قىتايدىڭ ساۋدا ساياساتىنا نارازىلىق ءبىلدىردى. بۇگىن وتكەن ءباسپاسوز ءماسليحاتىندا ساۋدا مينيسترلىگىنىڭ وكىلى، دسۇ-نىڭ جالپىعا ورتاق ۇستانىمدارىنا ساي كەلمەگەندىكتەن جەكەلەگەن ەلدەردىڭ شاعىمى مەن تالاپتارى ورىندالمايتىنىن ايتتى. بۇل تۋرالى «WSJ» باسىلىمى حابارلادى.

بىرنەشە كۇننىڭ الدىندا، اقش-تىڭ ساۋدا وكىلى روبەرت لايتيتيزەر دسۇ-نىڭ ساۋدا كەلىسسوزدەرىنە نازار اۋدارماعانىن سىنعا الىپ، سوت ىستەرىنىڭ ۇيىمداستىرىلۋىنا باسا نازار اۋدارىلعانىمەن، جالپىعا ورتاق ەرەجەلەردىڭ ورىندالۋىنا كوڭىل بولىنبەگەنىن العا تارتتى.

اقش، ەو جانە جاپونيا وسى اپتاداعى دسۇ وتىرىسىندا بىرلەسكەن مالىمدەمە جاريالاپ، ۇلتتىق ەكونوميكاعا ەلەۋلى باسىمدىق بەرىلگەن ەلدەردە دسۇ-نىڭ ورتاق ەرەجەلەرى ورىندالماي وتىرعانىن ايتتى. سوندىقتان بۇل ەلدەردە بارىنشا ءادىل ەكونوميكا قۇرىلۋىن تالاپ ەتتى.

كەزەكتى وتىرىستا قىتاي كوپجاقتى ساۋدا كەلىسسوزدەرىندە بەلسەندى پروگرەسكە قول جەتكىزەدى. سونىمەن بىرگە، حالىقارالىق ساۋدانىڭ باسىمدىعىن كوتەرۋگە جانە جاردەمدەسۋ دەڭگەيىن جەتىلدىرەتىنىن ايتتى.

“The Qazaq Times”