سولتۇستىك كورەيانىڭ كەزەكتى ۇشىرعان زىمىرانى جاپونيا ارالدارىنا تاياۋ تەڭىز ايدىنىنا قۇلادى. فوتو:WSJ.

29 قاراشا سارسەنبىگە قاراعان تۇندە (29,11,2017 02:47) سولتۇستىك كورەيا جاڭا زەرتتەپ جاساعان «مارس-15» اتتى قۇرلىق ارالىق بالليستيكالىق زىمىرانىن اتقان بولاتىن. بۇگىن اتالعان بالليستيكالىق زىمىران سىناعى كەزىندە تۇسىرىلگەن سۋرەتتەر مەن كەسكىندەردى جاريا ەتتى. بۇل تۋرالى «شينلاڭ» اقپاراتتىق سايتى حابارلادى.

كيم جوڭ ۋن زىمىراندى تاسىمالداۋ پروتسەسىن باقىلاۋدا. فوتو: Xinlang.NEWS.

سولتۇستىك كورەيا تاراتقان مالىمەتتە، بۇل رەتكى زىمىران سىناعى ارقىلى، قارۋ جۇيەسىنىڭ بارلىق پارامەترلەرى جوبالىق تالاپتارعا سايكەس كەلەتىنىن، سونداي-اق، سوعىس كەزىندە سەنىمدى قورعاۋ ميسسياسىن وتەي الاتىنىن تۇراقتاندىرعان. اتاپ ايتقاندا، ۇشۋ ارالىعىن باقىلاۋ جانە جىلدامدىقتى تۇزەتۋدىڭ دالدىگى تەكسەرىلگەن. بۇدان سىرت زىمىران قوزعالتقىشىنىڭ ارەكەتى مەن دۇرىستىعى سىننان وتكەنىن دە ايتادى. زىمىراندى ۇشىرۋ جانە مەڭگەرۋ كەزىندەگى تەحنيكالىق جۇمىستاردىڭ ءبارى دە جوعارى تالاپتارعا ساي بولعان.

زىمىراندى قوندىرۋ كەزىندە. فوتو: Xinlang.NEWS.

سولتۇستىك كورەيانىڭ بۇر رەتكى سىناعى ولاردىڭ وسىعان دەيىنگى بارلىق زىمىران سىناعىنان دا جوعارى ناتيجە بەرگەن. زىمىراندى تاسىمالداۋ، قوندىرۋ جانە ۇشىرۋ سەكىلدى پروتسەستەرىندە بارلىق ساپالىق تالاپتاردى ورىندادىق دەسۋدە. وسىعان دەيىن سولتۇستىك كورەيانىڭ زىمىران سىناقتارىندا زىمىراننىڭ ۇشۋ قۋاتى، ۇشۋ ارالىعىنىڭ الىستىعى جانە اتموسفەرە قاباتىنا قايتا ەنگەن كەزدەگى تەمپەراتۋراعا توزىمدىلىگى سىننان وتكەن بولاتىن.

"مارس-15"-ءتى ۇشىرۋعا بۇيرىق بەردىۇ. فوتو: Xinlang.NEWS.

كحدر-نىڭ ەڭ جوعارى باسشىسى كيم جوڭ ۋن بۇل رەتكى زىمىران سىناعىن ەل تاريحىنداعى ماڭىزدى جەتىستىك دەگەن پىكىرىن بىلدىرگەن. دەگەنمەن، اقش-تاعى دەربەس "WSJ" باسىلىمىنىڭ حابارىندا، سولتۇستىك كورەيانىڭ رەسمي ارنالارى ارقىلى تاراتقان مالىمەتتەرىنىڭ بارىنە سەنە بەرۋگە بولمايتىنىن ايتادى.

“The Qazaq Times”